«Күн оһуохайа» телевизионнай бырайыак төрдүс төгүлүн ыытыллар — 5 февраля 2026 г. в 15:48:32.953
«Күн оһуохайа» телевизионнай бырайыак төрдүс төгүлүн ыытыллар Быйыл бырайыак 17 улууһу хапта - уопсайа 120-тэн тахса кэскиллээх оһуохай этээччи кыттар. Бырайыак уратыта диэн, күрэһинэн эрэ хааччахтаммакка, оҕолор билиилэрин-көрүүлэрин хаҥатар лиэксийэлэр, маастар-кылаастар ыытыллаллар, Дархан этээччилэр, уһуйааччылар сүбэ-соргу биэрэллэр. Бу бырайыак СӨ Бырабыыталыстыбатын, «Саха» НКИХ өйөбүлүнэн 2023 сылтан ситимнээхтик үлэлиир. Бырайыак түмүктүүр түһүмэҕэ олунньу 14 күнүгэр «Саха» НКИХ ханаалыгар быһа биэриигэ көстүөҕэ. «Күн оһуохайа» бырайыакка уһуйуллубут оҕолор доҕордуу сыһыаннарын тута сылдьаллар, бэйэ-бэйэлэригэр куруук көмөлөһөллөр, уус-уран тылларын сайыннаран, көрсө түстэллэр эрэ, хоһуйсан кэпсэтэллэр. Олоҥхо ыһыахтарын оһуохай түһүлгэлэригэр бастыҥ көхтөөх кынатчыттар уонна кыттааччылар буолаллар! Бэл диэтэр, «Күн оһуохайа» бырайыакка уһуйуллубут 5 оҕо номнуо оскуолаларын бүтэрэн, А.Д. Макарова аатынан култуура уонна ускуустуба кэллиэһин төрүт култуура салаатын устудьуоннара буолбуттар. Быйыл бүтэрэр оҕолор эмиэ култуура эйгэтигэр туттарсар баҕаларын биллэрбиттэр. «Күн оһуохайа» күрэскэ ситиһиилэри, таһаарыылаах үлэни баҕарабын! МАХ ханаалбар суруттар МАХТАЛ!