Саха Өрөспүүбүлүкэтин И. Н. Егоров - Горнай аатынан көрбөт уонна мөлтөхтүк көрөр дьон а...
Саха Өрөспүүбүлүкэтин И. Н. Егоров - Горнай аатынан көрбөт уонна мөлтөхтүк көрөр дьон анал бибилэтиэкэтэ бу күннэргэ дойду үрдүнэн ыытылла турар «Үрүҥ торуоска» акция чэрчитинэн, «Бары ааҕабыт» ситим бырайыак иитинэн «Аан дойду биир» диэн медиа-уруогу үрдүк таһымнаахтык ыытта. Бу бырайыакка Үөһээ Бүлүүтээҕи О.Д. Федорова аатынан киин модельнай библиотека көхтөөхтүк кыттыһан, «Уус-уран литератураҕа харахтарынан кɵрбɵт дьоруойдар» диэн тиэмэҕэ олус интэриэһинэй уруок ыытта. Тэрээһиҥҥэ Д.С. Спиридонов аатынан улуустааҕы гимназия 7 кылааһын үөрэнээччилэрэ көхтөөх кыттыыны ыллылар. Уруок сүрүн сыалынан уопсастыбаҕа харахтарынан кɵрбɵт инбэлиит дьон кыһалҕаларыгар болҕомто ууруутун, кинилэр наадаларын ɵйдɵɵһүнү, кинилэри кытта биир санааланыыны саҥардыы, ону таһынан оҕо уонна эдэр ыччат ааҕыытын ɵйɵɵһүн буолла. Маннык тэрээһиннэр киһи олоҕор суолтатын, аан дойду биир сомоҕо буоларын, уус-уран литература киһи дууһатын байытарын өссө төгүл дакаастаата. Үөрэнээччилэр дьоруойдар олохторун кытта билсэн, кинилэр күүстээх санааларыгар сүгүрүйэн, кинигэ ааҕыытын кэрэхсэбиллээх эйгэтигэр умсугуйдулар.