Социальнай эйгэ үлэһиттэрин спортивнай бырааһынньыга үрдүк таһымҥа ыытылынна! — 8 июня 2026 г. в 12:42:56.970
Социальнай эйгэ үлэһиттэрин спортивнай бырааһынньыга үрдүк таһымҥа ыытылынна! Бүгүн «Үс Хоһуун» спортивнай комплекска Россияҕа социальнай үлэһит күнүгэр анаммыт тэрээһин спортивнай чааһа буолан ааста. Турнир үөрүүлээх арыллыытын кэнниттэн 5-тии киһилээх 6 хамаанда: Россия социальнай фондатын, улуустааҕы социальнай көмүскэл управлениетын, бу управлениены кытта инбэлииттэр обществоларын, «Мин докумуоннарым» офиһы кытта дьарыктаах буолуу киинин кыттыгас, улуус дьаһалтатын уонна И.И. Седалищев аатынан дьиэ кэргэҥҥэ оҕону иитиигэ көмөлөһөр киин" тэрилтэлэрин хамаандалара параадтаан киирдилэр. Турнир 5 түһүмэҕинэн барда. Хамаандалар оонньооччуларын атахтарыттан скотчунан туттаран баран, барыта 5 түһүмэххэ оонньоттулар. Бастакы кыттааччы хабылык, хаамыска, иккис «Игра в кальмара» киинэттэн оригами оонньуу, үһүс - корнхолл, төрдүс – дартс, оттон бэһис кыттааччы «Хотун Бүлүү» пазлы хомуйуу курдук бэрт сытыы, көрдөөх-нардаах түһүмэхтэргэ астына-дуоһуйа оонньоотулар. Дьүүллүүр сүбэ түмүгү бириэмэнэн уонна хаачыстыбанан таһаарда. Кыайыылаах хамаанда быйылгаттан төрүттэммит көһө сылдьар кубогынан наҕаарадаланна. Ол курдук, «Мин докумуоннарым» офиһы кытта дьарыктаах буолуу киинин кытта кыттыгас хамаандалара бастакы миэстэни ылан, кубок хаһаайынынан буоллулар! Иккис бочуоттаах миэстэни улуус дьаһалтатын хамаандата уонна үсүһү Россия социальнай фондатын хамаандата ылан, кыайыы-хотуу, үөрүү-көтүү үктэллэннилэр! Кыайыылаахтары истиҥник эҕэрдэлиибит! Тоһоҕолоон эттэххэ, социальнай эйгэ үлэһиттэрин икки ардыларыгар маннык турнир быйыл бастакытын ыытылынна. Түмүккэ күрэхтэһээччилэри бука барыларын минньигэс тордунан күндүлээтилэр. Бүгүҥҥү олус сэргэх, интэриэһинэй турниртан кыттааччылар олус астыннылар, инникитин маннык тэрэһиннэр өссө да ыытылла туралларыгар баҕа санааларын тиэртилэр. Бу тэрээһин социальнай эйгэ үлэһиттэрин өссө күүскэ түмтэ уонна биир хамаанда буолан үлэлииргэ көҕүлээтэ. Галина Васильева #Социальнайүлэһиткүнэ #Көмүскэл #Турнир #Спорт