⚡️Дээди Хуралдың Кадык камгалалының, чонну ажылга хаара тударының болгаш социал политик... — 1 августа 2026 г. в 14:43:31.082
⚡️Дээди Хуралдың Кадык камгалалының, чонну ажылга хаара тударының болгаш социал политика талазы-биле хораазының даргазы Долаан Калбак: «Тыва узун хуусаалыг федералдыг деткимчени алган» «Республиканың хөгжүлделиг кызымак ажылын федералдыг төп көрүп турар болгаш, ону деткип турарының дорт херечизи – Россияның Чазааның Даргазы Михаил Владимирович Мишустинниң болгаш бɵлүк сайыттарның болгаш удуртукчуларының Тывага бо ажыл-агыйжы чоруу болур. Регион бодунуң мурнунда улуг сорулгаларны салган. Оларның чамдыктары боттанган – тодаргай түңнелдер бар. Аңаа хамаарыштыр кадык камгалалының көргүзүглери онза көскү. Федералдыг бюджеттиң боттуг деткимчезиниң ачызында сөөлгү беш чыл иштинде 73 чаа кадык камгалал объектилерин ажыглалче кирген, 21 эмнелге черинге үндезин септелгени кылып чоруткан. Ол дээрге чоннуң шынарлыг эмчи дузазы ап турар фельдшер-акушер пунктулары, амбулаториялар болгаш өске-даа эмнелге черлери-дир. Оларның аразында Михаил Мишустинниң барып чорааны Республиканың консультативтиг-диагностика төвү. «Кадык камгалалының инфраструктуразының хөгжүлдези» федералдыг төлевилелдиң дузазы, Тываның Баштыңы Владислав Ховалыгның база эрге-чагырга органнарының күжениишкиннериниң ачызында Республиканың уруглар эмнелгезиниң чаа улуг оран-савазы Кызылда туттунуп турар. Онкология диспансериниң болгаш туберкулёзка удур эмнелгениң төлевилелдери база кылдынган. «Чаңгыс демниг Россия» партияның бо ышкаш чаартылгаларга киирген үлүг-хуузун болгаш деткимчезин база демдеглээри чугула. Михаил Мишустинниң Тываже кээриниң мурнунда бистиң республиканың эмнелге черлерин чаартырынга 4,5 миллиард рубльди үндүрүп бээриниң дугайында айтыышкынга ат салган. Ол дээрге регионнуң кадык камгалалының моон соңгааргы хөгжүлдезинге улуг идиг ышкажыл. Бо документ Тывага улуг бүзүрелдиң демдээ-дир, узун хуусаалыг федералдыг деткимчениниң барымдаазы-дыр».