Хүндүлүг чаңгыс чер чурттугларывыс! — 17 августа 2026 г. в 02:45:37.322
Хүндүлүг чаңгыс чер чурттугларывыс! Бөгүн республика кайгамчык хүннерни демдеглеп турар. Бирээде, август 17-де Хөөмей хүнүн демдеглеп турар бис. Ийиде, найысылал хоорайывыста Делегей чергелиг IV буддийжи шуулган ажыттынып турар. Хөөмейивис – чоргааралывыс. Ол тыва чоннуң аас чогаалының бир шылгараңгай хевири деп чүвени делегейге көргүскен. Хөөмей бисти бөмбүрзекке алдаржыткан. Ооң хөй янзы хевирлерин өөренип алыксаан кижилер республикага кээп, шылгараңгай тыва күүседикчилерден өөренип ап турары билдингир. Чүге дизе, тыва күүседикчилерниң ады-сураа, бедик мергежили кайда-даа сурагжаан. Кайгамчык Хөөмей хүнү-биле Тыва Республиканың Дээди Хуралының (парламентизиниң) депутаттары силер бүгүдеге байыр чедирип тур бис. Ооң чараш хевирлерин тыва хөөмейжилерниң күүселдези-биле бо хүннерде – чараш байырлалда, катап-катап дыңнаар аргалыг болур бис. Хөөмей хүнү-биле!