🌟50 сыллаах үөрүүлээх көрсүһүү: Исидор Барахов аатынан оскуола выпускниктара оҕо сааст... — 6 июля 2026 г. в 12:37:01.148
🌟50 сыллаах үөрүүлээх көрсүһүү: Исидор Барахов аатынан оскуола выпускниктара оҕо саастарын санаатылар, эдэр кэмнэрин эргиттилэр!🌟 Бу күннэргэ, самаан сайыммыт барахсан сатыылаан турдаҕына, Үөһээ Бүлүү бөһүөлэгин И. Н. Барахов аатын сүгэр оскуолатын 1976 сыллааҕы выпускниктара оскуоланы бүтэрбиттэрэ 50 сыллаах үөрүүлээх көрсүһүүлэрэ буолан ааста. Ыраас салгыннаах, кэрэ айылҕалаах төрөөбүт дойдуларыгар мустаннар, ахтылҕаннарын таһааран, оҕо саастарын санаһан, күндү күннэрин бэлиэтээтилэр. Оччолорго "а", "б", "в" кылаастарга арахсан үөрэммит эдэр ыччаттарга билиилэрин биэрбит ытыктабыллаах учууталларынан Павла Фёдоровна Давыдова, Васильев Евгений Данилович, Уларова Тамара Сергеевна, Богданова Ирина Николаевна уо. д. а. буолаллар эбит, кинилэргэ бу выпускниктар махталлара муҥура суох. Билигин үөлээннээхтэр киэн туттар, биир кылааска үөрэммит дьоннорунан Үөһээ Бүлүү бастакы урбаанньыттара Александров Александр Андреевич, Кривошапкина Мария Николаевна, Еттянова Марфа Васильевна буолаллар. Ону таһынан, биология билимин доктора Владимиров Леонид Николаевич, Герой Ийэ Петрова Евдокия Андреевна, элбэх оҕону ииппит Слепцова Римма Сергеевна, Россиятааҕы "Знак отличия" бэлиэ кавалера Тумусов Ефим Семёнович, суруйар талааннаах Игнатьева Агния Дмитриевна, бочуоттаах донор Семёнов Василий Спиридонович уо. д. а. буолаллар. Үбүлүөйдээх тэрээһиҥҥэ ыраах сирдэргэ олорор бииргэ оскуоланы бүтэрбиттэр кэлэн ыалдьыттаатылар. Холобура, Казахстантан Байтулекова Светлана Трофимовна, Москваттан Алексеева Валентина Алексеевна, Мирнэйтэн Алексеева Антонина Егоровна Үөһээ Бүлүүлэригэр эргиллэн кэлэн, үрдүк үөрүү өрөгөйүн бииргэ үллэһиннилэр. 50 сыллаах үбүлүөйдэрин бэлиэтиир үтүө кэмнэригэр үөрэммит оскуолаларыгар икки выпускникка биирдэ көрүллэр стипендияны анаатылар. Бу үтүө быһыы билиҥҥи үөрэнээччилэргэ үтүө холобур буолан, бастыҥ өйөбүл буолуоҕа, инники олохторугар ситиһиилэргэ дьулуһалларыгар көҕүлүөҕэ. Выпускниктар бары учууталларыгар, бииргэ үөрэммит доҕотторугар, бары Бараховецтарга үтүө-мааны эҕэрдэлэрин, махталларын аныыллар итиэннэ доруобай буолуоҕуҥ, үөрэ-көтө, дьоллоохтук олоруохха диэн баҕа санааларын тиэрдэллэр. #выпуск1976 #юбилей