Атырдьах ыйын 21-22 күннэригэр "Түгэхтэй" комплекска 3-с өрөспүүбүлүкэтээҕи выпусктар ... — 6 июля 2026 г. в 07:28:47.905
Атырдьах ыйын 21-22 күннэригэр "Түгэхтэй" комплекска 3-с өрөспүүбүлүкэтээҕи выпусктар көрсүһүүлэрэ буолаары турар. Ааспыт сылга Чурапчы улууһугар буолбута, быйылгы эстафета биһиэхэ бэриллибитэ. "Муҥха, үрүҥ түүн киэһэтэ о.д.а араас тэрээһиннэр буолуохтара. Ыалдьыттары палааткаларынан, " Эйгэ" балаҕаннарыгар түһэриэхпит", - диэн социальнай боппуруостарга улуус баһылыгын солбуйааччыта Анна Уларова эттэ. Альберт Михайлович Соров, Бэстибээл тэрийээччитэ, 1983 с. выпускник: - Бастакы Бэстибээл Намҥа, иккис Чурапчыга, быйылгы Бэстибээл манна буолуоҕа. Биһиги Бэстибээлбит култуураҕа уонна спортка сыһыаннаах. Эһиил Бороҕоҥҥо буолара былааннанар. Спортка барыта 5 көрүҥҥэ кыттыахтара. Альберт Михайлович выпускниктартан өрөспүүбүлүкэ араас муннуктарыттан кэлэр ыалдьыттары көрсөллөрүгэр, бөлөҕүнэн кыттыһан тэрээһиннээхтик үлэлииллэригэр ыҥырда. @uoheebuluu