Ааспыт нэдиэлэҕэ 80 -ча оскуола саастаах оҕолор тахсан Бүлүү эбэбит биэрэгин бөҕүн-саҕы... — 20 июля 2026 г. в 06:38:45.916
Ааспыт нэдиэлэҕэ 80 -ча оскуола саастаах оҕолор тахсан Бүлүү эбэбит биэрэгин бөҕүн-саҕын ыраастаатылар. Кинилэр икки килэмиэтир кэриҥэ усталаах биэрэги ыраастаан 30 куул бөҕү хомуйдулар. “Бу хантан кэлбит, туох маладьыас оҕолорой ?”, диир эбит буоллахпытына - бу I №-дээх И. Бараахов аатынан орто оскуолаҕа “Бараховец” лааҕырга сылдьар оҕолор эбит. Быйыл сайын оскуола лааҕырыгар 83 оҕо түөрт хайысханан, этэрээттэргэ арахсан сылдьаллар. Бастакы “Ийэ тыл” диэн этэрээти Розанна Васильевна Герасимова салайан ыытар. Манна оҕолор оһуокай, тойук курдук саха фольклорун араас жанрдарыгар үөрэнэллэр. Диктант суруйан, сомоҕо домох үөрэтэн, саха тылын быраабылаларын санатыһан кэлэр үөрэх дьылыгар бэлэмнэнэллэр. Иккис Спиридонова Вера Степановна салайааччылаах этэрээт “Ааҕыы ыллыга” диэн ааттаах. Аата да этэ сылдьарынан манна оҕолор Үөһээ Бүлүүттэн төрүттээх суруйааччылар айымньыларын ааҕаллар, дорҕоонноохтук ааҕарга үрэнэллэр, сахалыы остуол оонньууларын оонньоон сайдаллар. Маны таһынан “Сэргэх” аҕам саастаах дьон түмсүүлэригэр сылдьан остуоруйалары, номохтору истэллэр. Үһүс этэрээти Романова Надежда Михайловна иилээн-саҕалаан илдьэ сылдьар. Хайысхалара естественно-научнай буолан саха сиригэр үүнэр үүнэйилэри, үөнү-көйүүрү , тулалыыр эйгэни чинчийэн үөрэтэллэр. Төрдүс этэрээти Михаил Семенович Ченохов салайан оҕолору үлэҕэ сатабылы, баҕаны иҥэрэр. Манна ордук хортуоска, оҕуруот аһын олордуутунан, үүнээйилэргэ уу кутуутунан дьарыгыраллар. Бу курдук оҕолор сайыҥҥы бириэмэлэрин олус туһалаахтык атаараллар. Сахалыы тыыннах, дойдуларын туһугар кыһаллар дьоһун дьон үүнэн тахсыахтара. Бэйэлэрин илиилэринэн бөһүөлэктэрин ыраастаабыт, салайааччыларын үтүө санааларын, ыҥырыыларын ылыммыт буолан бу оҕолор хаһан да сирдэрин-уоттарын сыыһырда, киртитэ сылдьыахтара суоҕа. Олорор сирдэрин киртитэр, бөҕү сыыһы быраҕар дьону сэмэлиир, үөрэтэр дьон буола улаатыахтара. Инникитин бөһүөлэкпит маннык үтүө холобурдарга тирэҕирэн ыраас, сынньанарга табыгастаах, көрөргө кэрэ, олорорго табыгастаах буолуоҕа диэн эрэнэбит. #Ырааһырдыыүлэтэ #Бүлүүгэбэ #Бараховецлааҕыр