Ытыктабыллаах Үөһээ Бүлүү бөһүөлэгин олохтоохторо! — 11 августа 2026 г. в 22:30:29.513
Ытыктабыллаах Үөһээ Бүлүү бөһүөлэгин олохтоохторо! Биһиги эрдэ хаһаайына суох, бэйдиэ сылдьар эбэтэр ытырыык ыттары ханна биллэрэрбитин билбэт эбит буоллахпытына, билигин кэм-кэрдии сайдыытын баттаһан, бэйэбит төлөпүөммүтүгэр тута хаартыскаҕа түһэрэн, аадырыһын ыйан баран ыытан эрэ кэбиһэр кыах баар буолла. Оччоҕуна эһиги ыыппыт хаартыскалаах суруккут быһа бөһүөлэк дьаһалтатыгар тиийэр. Кинилэр ону компьютердарыгар көрөн, анал үлэһиттэр сөптөөх миэрэни ылалларыгар дьаһайаллар. Тыыннаах ыттары эрэ буолбакка, ханна эмит өлөн сытар ыты, эчэйбит эбэтэр кутталлаах түгэҥҥэ түбэспит сүөһүнү-сылгыны эмиэ биллэриэххэ сөп. Ол туһугар телефоммутугар "Плей Маркет" диэӈӈэ киирэбит уонна "Поиск животных" приложениены хачайдыыбыт (значогун ойуутун хаартыскаларга көр). Кыылы хаартыскаҕа түһэрэбит. Хайдах-туох буолбутун быһаарабыт. Тутатына аадырыспытын картаҕа булларабыт уонна ыытан кэбиһэбит. Кэлин эһиги приложение нөҥүө ыыппыт сайаапкаҕытынан туох миэрэ ылыллыбытын туһунан харда сурук ыытыахтара. Маннык табыгастаах ньыманы туһанан бөһүөлэкпит ыттартан куттала суох буоларын туһугар тэӈӈэ үлэлэлэһиэҕиӈ, кыттыһан кыһалҕаны быһаарыаҕыӈ. #Поискживотных #Ытырыыкыттар #Дьиэкыыллараприложение