Бүгүн, Балаҕан ыйын 27 күнүгэр, бүтүн Саха сирин үрдүнэн биһиги улуу Судаарыстыбаннас к...
Бүгүн, Балаҕан ыйын 27 күнүгэр, бүтүн Саха сирин үрдүнэн биһиги улуу Судаарыстыбаннас күнүн бэлиэтиибит. Бу дьоһуннаах күн Исидор Бараахап аатынан №1 орто оскуолабытыгар оскуолабыт киэн туттар киһитин, Саха норуотун чулуу уолун, судаарыстыбаннай диэйэтэли Исиидэр Бараахап өйдөбүнньүгүн аттыгар сибэкки дьөрбөтүн ууруу үөрүүлээх тэрээһинэ буолан ааста. Үөрүүлээх тэрээһиҥҥэ ыҥырыылаах ыалдьыттарынан буоллулар: 1) Үөһээ Бүлүү улууһун баһылыга Валерий Валерьевич Николаев; 2) Үөһээ Бүлүү баһылыгын солбуйааччы Игнат Владимирович Трофимов; 3) Үөһээ Бүлүү нэһилиэгин Муниципальнай тэриллии дьаһалтатын аппаратын салайааччыта Василий Тихонович Петров; 4) Үөһээ Бүлүү улууһун үөрэх салалтатын начальнига Леонид Николаевич Огочонов; 5) Оскуолабыт директора Васмар Анастасьевич Руфов. Торжественнай чаас кэнниттэн, биһиги улуу убайбыт Исидор Бараахап өйдөбүнньүгүн мэнэ тааһыгар учууталлар уонна ытыктабыллаах ыалдьыттар сибэкки дьөрбөтүн уурдулар. Бу түгэн Исиидэр Бараахап үтүө аатын үйэтитэр уонна Саха сирин инники кэскилигэр кылаатын сыаналыыр бэлиэ буолар. Оҕолор сахалыы тыллаах хоһооннорунан, араас омук таҥастаах норуоттар киирэн үҥкүүлээн тэрээһини киэргэттилэр. Бу Саха сирэ элбэх омук доҕордоһуутун киинэ буоларын өссө төгүл туоһулаата. Тэрээһин түмүгэр бары бииргэ төрүт саха таптыыр оонньуутун – оһуохайынан түмүктээтибит. Оһуохай дорҕоонноох тыаһа Саха сирин күүһүн, биир сомоҕо буолуутун бэлиэтээтэ. Бу тэрээһин үөрэнээччилэргэ уонна оскуола коллективыгар Саха сирин судаарыстыбаннаһын, Исиидэр Бараахап улуу аатын өйдөбүнньүгүн суолтатын өссө дириҥник өйдөтүүгэ улахан суолталаах буолла. #НАВИГАТОРЫДЕТСТВА #ДЕНЬГОСУДАРСТВЕННОСТИЯКУТИИ