Бүгүн, Алтынньы ыйын 14 күнүгэр, бүтүн Саха сирин үрдүнэн, Саха сирин Былааҕын күнүн бэ...
Бүгүн, Алтынньы ыйын 14 күнүгэр, бүтүн Саха сирин үрдүнэн, Саха сирин Былааҕын күнүн бэлиэтиибит🙌🏻🥳 Бу дьоһуннаах күн чэрчитинэн, биһиги Исидор Бараахап аатынан №1 орто оскуолабытыгар араас тэрээһиннэр буолан аастылар. • Алын кылаас оҕолоро араас матырыйаалтан оҥоһуллубут Саха сирин былааҕын поделкаларын оҥорон, быыстапкалаан тэлгэттилэр. Кырачааннар кыһамньылара уонна айар дьоҕурдара хас биирдии былаахха бэлиэтэнэн, кэлбит дьоҥҥо үөрүүнү аҕалла🙌🏻 • 5-11 кылаас оҕолоругар станциянан оонньуу ыытылынна. Барыта 10 хамаанда көхтөөх кыттыыны ылан, билиини-көрүүтү тургутан, үөрүү-көтүү кынаттанан тарҕастылар. Оонньуу түөрт араас станциялаах этэ: 1) "Билиини тургутуу" – Саха сирин туһунан билиини бэрэбиэркэлээһин. 2) "Саха сирин былааҕын мозайканан таҥыы" – Былаах ойуутун хомуйуу. 3) "Ырыа куттаах Саха сирэ" – Сахалыы ырыалары таайыы. 4) "Былаахпыт тэлибириир" – Үҥкүү түһүлгэтэ. Кылаас оҕолоро бары ыллыыр-үҥкүүлүүр талааннарын арыйан көхтөөхтүк кытыннылар. Тэрээһин кэнниттэн флешмоб буолла. Оҕолор бары мустан, Саха сирин былааҕын өрө көтөҕөн, дойдубутугар анаан эҕэрдэ ролик уһуллулар. Саха сирин Былааҕын күнүгэр аналлаах тэрээһиммит олус үчүгэйдик ааста, кэлбит дьон бары биһиги өрөспүүбүлүкэбит былааҕын суолтатын өйдөөн, киэн туттуу тыынынан туоллулар. Тэрээһин Саха сирин былааҕын бэлиэтиир уонна норуот патриотическай тыынын күүһүрдэр сыалларын ситистэ. Кыттыбыт оҕолорго, хамаандаларга уонна учууталларга улахан махталбытын тиэрдэбит! #НавигаторыДетства14 #Действуемкакодин14