Бүгүн, Алтынньы 16 күнүгэр, Исидор Бараахап аатынан орто оскуолаҕа Саха сиригэр Ийэ күн...
Бүгүн, Алтынньы 16 күнүгэр, Исидор Бараахап аатынан орто оскуолаҕа Саха сиригэр Ийэ күнүн чэрчитинэн ураты, сырдык тэрээһин буолан ааста.💐🥳 Бу күн күндү ийэлэр кэлэн, оҕолорго уонна учууталларга араас мастер-кылаастары ыыттылар. Тэрээһиҥҥэ барыта 12 төрөппүт көхтөөх кыттыыны ылан, бэйэлэрин араас сатабылларын уонна талааннарын көрдөрөн, атын дьоҥҥо үллэһиннилхр. Ол курдук, ийэлэр маннык маастар-кылаастары ыыттылар: • Кыламан оҥоруу; • Чёлка кырыйыыга; • Араастаан баттах өрүүтүгэр; • Сахалыы симэх оҥорууга; • Сахалыы ыраастанар набор оҥорууга; • Гипс оҥоһугу кырааскалыырга; • Илиинэн баайарга; • Сабынан панно оҥорууга; • Футболкаҕа уруһуйдуурга уонна да атын араас сатабылларын кытары үллэһиннилэр. Мастер-кылаастарга оҕолор уонна учууталлар улахан сэҥээриини ылан үөрэннилэр. Хас биирдии маастарга отой уочарат буолан, үөрэнээччилэр да, учууталлар да маастардарын сөхтөрдүлэр, кинилэр дьоҕурдарыгар сүгүрүйдүлэр. Тэрээһин үрдүк таһымнаахтык ыытылынна, истиҥ уонна үөрүүлээх атмосфераҕа ааста. Кэлэн талааннарын үллэстибит күндү ийэлэрбитигэр махтал суругу уонна сувенир бэлэхтээтибит. Ону тэҥэ, ахсынньы ыйга ыытыллар оскуолабыт 150 сыллаах үбүлүөйүгэр кэлэн, өссө төгүл мастер-кылаастары ыыталларыгар ыҥырдыбыт. Тэрээһин Ийэ күнүн суолтатын үрдэттэ, ийэлэр уонна оҕолор, учууталлар ыккардыларыгар ыкса сибээһи олохтоото, оҕолорго саҥа билиини уонна сатабыллары биэрдэ. Ону тэҥэ төрөппүттэрбит Мария Леонидовна уонна Вера Петровна оҕолорго ыраастанар набор оҥоттордулар уонна Анал байыаннай дьайыыга ыытарбытыгар диэн оскуолаҕа биэрдилэр🙌🏻🙌🏻🙌🏻 Кэлэн кыттыбыт күндү ийэлэрбитигэр барҕа махтал. Барыгытын Ийэ күнүнэн эҕэрдэлиибит🌺🌺🌺 Көхтөөх кыттыыны ылбыт учууталларга уонна үөрэнээччилэргэ махталбытын тиэрдэбит🥳🥳🥳