🧑⚕🎈Балаҕан ыйын 25 күнүгэр улуустааҕы акушерскай сулууспа тэриллибитэ 90 сыллаах үбү...
🧑⚕🎈Балаҕан ыйын 25 күнүгэр улуустааҕы акушерскай сулууспа тэриллибитэ 90 сыллаах үбүлүөйүн бэлиэтиир үөрүүлээх тэрээһин буолла. 🎀 Күн сиригэр саҥа кэлбит кыһыл оҕо ытаан бэбээрэр тыаһынан үөрүүлээх тэрээһин уйаҕастык, истиҥник саҕаланна. Күөх экраҥҥа үйэ кэриҥэ таһаарыылаахтык үлэлээн кэлбит акушерскай-гинекологическай сулууспа историята ахтылынна. Саалаҕа мустубут саҥа киһи күн сирин көрөрүгэр түүннэри-күнүстэри сыралаах үлэлэрин анаабыт уонна билигин үлэлии сылдьар үрүҥ халааттаах аанньаллары улуус баһылыга Василий Алексеев, СӨ Ил Түмэн бэрэссэдээтэлин бастакы солбуйааччы Александр Жирков, Мүрү нэһилиэгин баһылыга Прокопий Румянцев , киин балыыһа кылаабнай бырааһа уонна профкома эҕэрдэлээн туран, сырдык аналлаах үлэлэрин сыаналаан үрдүк наҕараадалары туттардылар. Улууспут , балыыһабыт талааннаах ыччаттара ылбаҕай ырыанан уонна үҥкүүнэн эҕэрдэлээтилэр. 👍Түмүккэ 51 сыл устата акушерскай салааны салайан кэлбит Варвара Сыроватская эппиэтинэстээх үлэҕэ бииргэ үлэлэспит кэллиэгэлэригэр, көмө-тирэх буолбут дьонугар-сэргэтигэр махтал тылын анаата, махтал суругунан бэлиэтээтэ.