«Дойдум отоно» аахсыйа иккис төгүлүн ыытылынна
«Дойдум отоно» аахсыйа иккис төгүлүн ыытылынна 🍒 Майа сэлиэнньэтин дьаһалтата уонна «Харыстаана» түмсүү анал байыаннай дьайыыга сылдьар уолаттарга уулаах отонтон сироп оҥорон ыытарга «Дойдум отоно» аахсыйаны иккис төгүлүн тэрийдилэр. ❤️ Аахсыйа күннэригэр сэлиэнньэ олохтоохторо эдэриттэн аҕам саастааҕар тиийэ, тэрилтэлэр, түмсүүлэр күһүн хомуйбут отоннорун аҕалан туттардылар. Үтүө санаалаах дьон кыттыытынан сироп оҥоһуллан Мэҥэ Хаҥаластан барар гуманитарнай көмөҕө киириэҕэ. 📦 Мария Лукина, Майатааҕы «Түмэн» уопсастыбыннай холбоһук салайааччыта: 🪖 – Анал байыаннай дьайыыга сылдьар уолаттарбытыгар көмө тохтообокко күннэтэ оҥоһулла турар. Ол курдук бу күннэргэ «Харыстаана» анал байыаннай дьайыы кыттыылаахтарын дьиэ кэргэннэрин түмсүүтэ «Дойдум отоно» диэн аахсыйа биллэриитин таһаарбыта. Бу ыҥырыыга Майа олохтоохторо олус көтөөхтүк кыттаннар отон, саахар аҕаланнар бүгүн, алтынньы 18 күнүгэр, «харыстааналар» уонна «түмэннэр» буоламмыт сироп оҥоро сылдьабыт. Күн аҥаарыгар 500-н тахса бытыылка иһиккэ кутулунна. Түгэнинэн туһанан, үлэҕэ баар, көмөлөспүт Майабыт олохтоохторугар барыларыгар улахан махталбытын тиэрдэбит. Өссө даҕаны маннык олох араас кэмнэригэр бары бииргэ буолан, түмсэн, иннибит диэки баран иһиэхпит диэн баҕарабын, – диэтэ. Сиһилии уонна элбэх хаартысканы БУ СИГЭНЭН киирэн билсиҥ ⬅️ @gazetaerkeii @ulusmedia