Саха музейа от ыйын 15 күнүгэр 11:00 ч. «Окко киирии» этнографическай тэрээһини ыытар🌿 — 9 июля 2026 г. в 01:56:20.043
Саха музейа от ыйын 15 күнүгэр 11:00 ч. «Окко киирии» этнографическай тэрээһини ыытар🌿 Самаан сайыҥҥа уйгу ыһыах кэнниттэн саха дьонун сиэринэн күргүөмнээх үлэ күөх хонуу быйаҥын сомсор кэм от үлэтэ саҕаланар. От үлэтэ саха норуотун олоҕун-дьаһаҕын быстыспат укулаата. Ол курдук, бу эрэ күн музей тэлгэһэтигэр «Окко киирии» сиэрэ-туома оҥоһуллуоҕа. Ким баҕалаах бары оту охсон, мунньан, бэйэтин холонон көрүөн сөп. П.И. Сивцев аатынан Намнааҕы этнография музейыттан «Алаас ааттаах, хотуур суоллаах» документальнай киинэ көстүө. Маны тэҥэ, Саха музейын фондадыттан «Хотуур – тэлэр дьарыгым» диэн ааттаах тимир ууһун маастара Марк Петрович Слепцов илии хотуурун коллекциятыттан выставка туруоҕа, туоһунан оҥоһуктарга маастар-кылаас тэриллиэҕэ. Күндү ыалдьыттарбытын арыылаах алаадьынан, быырпаҕынан күндүлүөхпүт, ону таһынан өйдөбүнньүк хаартыскаҕа түһүү миэстэтэ (фотозона), саха төрүт остуол оонньуулара, хомуур күрэҕэ ыытыллыаҕа. Сиһилии: https://yakutmuseum.ru/news/priglashaem-na-etnograficheskuyu-programmu-okko-kiirii/ Охсуллубут от сытынан иҕэрийэ тыыныаххыт, хадьымалынан хаамыаххыт, дуоһуйа сынньаныаххыт! 🍃 🎫 Киириитэ босхо 📞Билсэр нүөм.: 42 51 74 📍 Музей аадырыһа: Ленин проспега 5/2 2 к.