Бүгүн Тааттаҕа олохтоохтор саха норуодунай суруйааччыта, Социалистическай үлэ геройа, п...
Бүгүн Тааттаҕа олохтоохтор саха норуодунай суруйааччыта, Социалистическай үлэ геройа, поэт, прозаик, драматург Дмитрий Кононович Сивцев-Суорун Омоллоон төрөөбүтэ 120 сыллаах үбүлүөйүн өрө көтөҕүллүүлээхтик бэлиэтээтилэр. Дмитрий Кононович өрөспүүбүлүкэ сайдыытыгар, култууратыгар сүдү кылаатын бары махтана саныыбыт, сүгүрүйэбит. Быйыл бу үбүлүөйдээх сылы көрсө кини албан аатын сүгэр Опера уонна балет тыйаатыра, кини төрүттээбит «Доҕордоһуу» заповедник-түмэлэ уонна да атын Саха сирин култуура, үөрэх эйгэтин тэрилтэлэрэ киэҥ далааһыннаахтык бэлиэтиэхтэрэ. Дмитрий Кононович Сивцев – Суорун Омоллоон хаалларбыт баай нэһилиэстибэтэ, сырдык аата үйэлэргэ умнуллубатын! Видео уонна хаартыска: Таатта улууһун дьаһалтатын МАХ ханаалыттан Афанасий Ноев