🍂 КҮҺҮҤҤҮ ДОЛГУРАҤ
🍂 КҮҺҮҤҤҮ ДОЛГУРАҤ Сир тиһэх мичээрин иҥэрэн Саһарбыт сэбирдэх тоҕунна, От үрэх ууларын оһуордаан Курустук уйдара уһунна. Тыаһа суох бу мааны ардахтан, Дууһаны угуйар чуумпуттан Тылынна күһүҥҥү долгураҥ, Ураты уйаҕас дьүрүскэн... Туох эрэ кэпсэммэт кэрэҕэ Кыттыһан, сүрэҕим сырдаата, Саһархай, саһархай алыпка Мин санаам күүһүрэ умуста... Бу кэрэ түгэни илдьээри, Букатын куоттара сүтээри От үрэх оһуордаах сүүрүгэ Ыксаама дуу, бүгүн, ыксаама... САЙА 🔹Дьокуускай куорат күнүн көрсө Саха музейа сарсын балаҕан ыйын 12 күнүгэр 15:00 ч. Саха норуодунай суруйааччытын, бэйиэтин, республикабыт биллэр суруналыыһын Наталья Владимировна Михалева-Сайаны кытта истиҥ-иһирэх көрсүһүүгэ ыҥырар. Бу эрэ күн тыыннаах тыл сүмэтин куппутугар иҥэрэн, тапталлаах бэйиэппитин кытта сирэй көрсөн олорон, айар тылын сипсиэрэ таарыйан, ирэ-хоро кэпсэтиэхпит, кини тус көрүүлэрин, санааларын истиэхпит. 🎫 Киирии хааччахтаах, билет сыаната 300 солк. 📍 Буолар сирэ: Саха музейын балаҕана (Ленин проспегын 5/2 1 к.) 📞 Билсэр нүөм.: 89148242414