Саха музейа кырачааннарга
Саха музейа кырачааннарга музей экспонаттарын дьиэ кэргэнинэн бииргэ чинчийэбит Куоч – айанньыттар устар ааллара 20-25 миэтэрэ усталаах, биир палубалаах баарыстаах устар аал. Куочтары маннык оҥороллоро: хаптаһыннары мас тоһоҕонон уонна талахтан өрүллүбүт быанан холбоон баран, муоҕунан ханаппаакылаан, сымаланан сыбаан кэбиһэллэрэ. Күндү түүлээх, уулаах буочука, хатарыллыбыт этуонна балык, эбии таҥас саппааһа – барыта баара. Уопсайа 1000 буут таһаҕаһы уйара (450 киилэ). Куочтар баарыстаах буолаллара, ол эрээри үксүгэр эрдиинэн усталлара. Баарыстарын үксүгэр чараас гына имитиллибит таба тирииттэн оҥороллоро. Мас дьаакыра суох сатаммат этилэр. Айаҥҥа хайаанда куомпастаах уонна уу дириҥин мээрэйдиир луоту илдьэ сырыттахтарына сатанара. Куомпаһы оччолорго маатка диэн ааттыыллара. Куоч аайы биир-икки кыра тыылаах буолаллара. Хамаандаҕа уонтан сүүрбэҕэ диэри киһи хомуллара. Өссө эбии отут-түөрт уон киһини ылыахтарын сөп этэ. Маннык куочтарынан айанньыттар Илин Сибиир, Саха сирин бары өрүстэрин, муораларын арыйбыттара.