❄️ Бүгүн - Бокуруоп күнэ
❄️ Бүгүн - Бокуруоп күнэ Бу күнтэн ыла унньуктаах уһун кыһыммыт саҕаламмытынан барар. Өбүгэлэрбит бокуруобу дьиэлэрин-уоттарын сылаастык оҥостон, сүөһүнү хотоҥҥо киллэрэн, кыстыкка киирии түбүгүн үмүрүтэн көрсөллөрө. Сир-дойду барыта тоҥон муҥхалааһын, идэһэни дьаһайыы саҕаланар. Бу күнүнэн кыһыны сылыктыыллар. Ол курдук, маҥнайгы хаар алтынньы 14 күнүгэр диэри түстэҕинэ, кыһын арыый хойутуур. Оттон Бокуруоп күн хаардаатаҕына, Миитэрэйэпкэ (сэтинньи 8 күнүгэр) эмиэ түһэр, Бокуруопка күн-дьыл хайдаҕый да, кыһына оннук буолуо дэнэр. 📷 Саха музейын пуондатыттан хаартыска: Э.К. Пекарскай олорбут балаҕана, Дьиэрэннээх, Таатта улууһа.
89 просмотров