#ыччаттүмсүүтэ
#ыччаттүмсүүтэ #улуусыччатынсүбэтэ «Табыс» уонна «Дархан» Таатта уонна Хаҥалас устудьуоннарын түмсүүлэрэ Тааттаҕа 💫Таатта улууһугар "Табыс" уонна "Дархан" устудьуоннар түмсүүлэрэ үс социальнай күнү ыыттылар. Ыччат бэлиитикэтин Сэбиэтэ уонна АБДь боппуруостарыгар сүрүн исписэлииһэ Туйара Орлова көмөтүнэн устудьуоннар Ытык Күөл олохтоохторугар анаан хас да тэрээһини тэрийдилэр. 💫Олунньу 21 күнүгэр — устудьуоннар Д.А. Петров аатынан 2-с нүөмэрдээх Ытык Күөл орто оскуолатын үөрэнээччилэригэр анал идэҕэ сыһыаннаах тэрээһини ыыттылар. Оскуола оҕолоругар аныгы идэлэр тустарынан кэпсээтилэр. 💫Олунньу 22 күнүгэр — «Сарыал» култуура киинигэр «Табыс» уонна «Дархан» устудьуоннар түмсүүлэрин күүстэринэн тэриллибит эҕэрдэ кэнсиэрэ ыытылынна. 💫Олунньу 23 күнүгэр — Анал байыаннай дьайыы кыттыылаахтарын дьиэ кэргэннэригэр, доруобуйаларынан хааччахтаах дьоҥҥо, улуус кырдьаҕас олохтоохторугар аадырыстаах көмөнү оҥордулар: дьиэ таһынааҕы хаары ыраастаатылар, мас хайыттылар, саһааннаатылар уонна муус киллэрдилэр. @taattaadm