ТААТТАҔА ОҺУОХАЙ ЛААҔЫРА
ТААТТАҔА ОҺУОХАЙ ЛААҔЫРА Улуустааҕы норуот айымньытын дьиэтэ (методист М.Г. Егорова), Чөркөөх оскуолата (дириэктэр Е.В.Лебедев), Чөркөөхтөөҕү НАДь (дириэктэр М.М.Прохоров) бииргэ үлэлэһэн алтынньы 5-10 күннэригэр П.А.Ойуунускай аатын сүгэр Чөркөөх орто оскуолатыгар "Сардаана" хонуктаах лааҕырга "Күн оҺуохайын сардаҥалара" лааҕыра үлэлээтэ. 6 күн устата 4 уҺуйааччыга, Таатта биллэр оһуохайдьыттарыгар, Дархан этээччилэргэ Афанасий Николаевич Поповка, Айта Егоровна Васильеваҕа, Үтүөлээх этээччилэргэ Иван Федотович Ивановка, Лариса Анатольевна Поповаҕа 8 нэһиэлэктэн 9 кыыс, 9 уол оҕо күн үҥкүүтүгэр уҺуйулуннулар. Ыҥырыынан Дьокуускай куораттан Дархан этээччи Валентин Хорунов куратордаата. Лааҕыр түмүктэнэр күнүгэр оҕолор оҺуохайга ылбыт билиилэрин чиҥэтэн түмүктүүр күөн- күрэскэ кытыннылар, Күрэс кыттыылаахтарыгар өрөспүүбүлүкэтээҕи оҺуохай түмсүүтүн салайааччыта Александр Джурович Данилов бириис олохтоото. Биһиги оскуолабытыттан 2 үөрэнээччи лааҕырга дьарыктанна. Идэтийбит этээччилэргэ 1 үрдэли 10 гуманитарнай кылааһын үөрэнээччитэ Света Харайданова ылла уонна 10 тыһыынча солкуобайынан наҕараадаланна. "Көрөөччү биһирэбилэ" анал ааты 7 "в" кылаас үөрэнээччитэ Лев Тарасов ылла уонна 2 тыһыынча солкуобайынан наҕараадаланна. Үөрэнээччилэрбитин өссө төгүл үрдүк ситиһиилэринэн эҕэрдэлиибит👏👏👏 Инникитин үрдүктэн үрдүк ситиһиилэри, кыайыылары, киэҥ дабайыылары баҕарабыт🙌🏻🙌🏻🙌🏻 #Росдетцентр #НавигаторыДетства #ДвижениеПервых #КүнОһуохайынСардаҥалара