Ааспыт сыл бүтүүтэ дойду бэрэсидьиэнэ Владимир Владимирович Путин илии баттаан, бу сылт... — 25 апреля 2026 г. в 04:19:08.293
Ааспыт сыл бүтүүтэ дойду бэрэсидьиэнэ Владимир Владимирович Путин илии баттаан, бу сылтан, муус устар 19 күнүгэр Аҕа дойду Улуу сэриитин сылларыгар нацистар уонна кинилэр көмөлөһөөччүлэрэ оҥорбут геноцидтарын сиэртибэлэрин кэриэстиир өйдөбүнньүк күн баар буолла. Өйдөбүнньүк күн Аҕа дойду Улуу сэриитин уонна, чуолаан, эйэлээх нэһилиэнньэ алдьархайын туһунан устуоруйалыы өйү-санааны харыстыыр сыаллаах олохтонно. Ол чэрчитинэн, дойду үрдүнэн үөрэх тэрилтэлэригэр лекциялар, быыстапкалар, атын да тэрээһиннэр ыытыллар буоллулар. Күн Өркөн кыһата бу тэрээһиннэртэн туора турбакка, Былатыан Ойуунускай аатынан Саха академическай тыйаатырыгар «Оонньоммотох оруоллар» испэктээги көрдөрдүбүт. А. Н. Островскай аатынан Ленинградтааҕы театральнай институтка үөрэнэ барбыт оҕолор ыар дьылҕаларын кэрэһэлиир испэктээги Күн Өркөн кыһатын СКД салаатын аҕыйах хонугунан бүтэрэн, өрөспүүбүлүкэ араас муннуктарыгар үлэлии бараары сылдьар, түмүктүүр куурус устудьуоннара оонньоон көрдөрдүлэр. «Оонньоммотох оруоллар» испэктээги кэлэн көрбүт дьоммутугар махталбын биллэрэбин!