Күндү биир дойдулаахтарбын, Сахам сирин ытык-мааны олохтоохторун Саха Өрөспүүбүлүкэтин ... — 27 апреля 2026 г. в 03:27:54.092
Күндү биир дойдулаахтарбын, Сахам сирин ытык-мааны олохтоохторун Саха Өрөспүүбүлүкэтин күнүнэн итиитик-истиҥник эҕэрдэлиибин! 104 сыл анараа өттүгэр, муус устар 27 күнүгэр Бүтүн Сойуустааҕы Киин Ситэриилээх Кэмитиэт Саха АССР олохтонуутун туһунан дэкириэт таһаарбыта, Саха Автономнай Сэбиэскэй Социалистическай өрөспүүбүлүкэтэ тэриллибитэ. 1992 сыллаахха, эмиэ бу күн, демократия бириинсиптэригэр олоҕурбут өрөспүүбүлүкэ саҥа Төрүт Сокуона (Конституцията) ылыллыбыта. Онон бу бэлиэ күн өрөспүүбүлүкэбит судаарыстыбаннаһын олоҕуруутугар, култуурабыт, тылбыт-өспүт сайдыытыгар улахан суолталаах. Дойдуга биллэриллибит Арассыыйа норуоттарын сомоҕолоһууларын сылыгар, Өрөспүүбүлүкэҕэ култуура сылыгар урукку ааспыт устуоруйабытын харыстааһын үлэтин күүһүрдэргэ сыал-сорук турбута. Быйыл Автономияны төрүттэспит чулуу убайдарбыт, Өрөспүүбүлүкэбит атаҕар туруутугар кыттыспыт ааспыт көлүөнэлэрбит сыралаах үлэлэрин, ситиһиилэрин, кыайыыларын үйэтитиигэ ураты болҕомото ууруллуоҕа. Өссө төгүл барыгытын Саха Өрөспүүбүлүкэтин күнүнэн ис сүрэхпиттэн итиитик-истиҥник эҕэрдэлиибин! Барыгытыгар дьолу-соргуну, чэгиэн-чэбдик буолууну, үлэҕитигэр уонна тус олоххутугар ситиһиилэри баҕарабын! Сахабыт сирин сайдыытыгар улахан суолталаах, бэлиэ күҥҥэ чулуу убайдарбыт үтүө ааттарын санаан, сырдык мөссүөннэригэр сүгүрүйүөхэйиҥ диэн ыҥырабын.