Молитва святому праведному Иоанну Кронштадтскому — 14 июня 2026 г. в 19:30:01.830
Молитва святому праведному Иоанну Кронштадтскому «О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю! Вознося славословие Триединому Богу, ты молитвенно взывал еси: Имя Тебе — Любовь: не отвергни мене заблуждающагося. Имя Тебе — Сила: укрепи мене изнемогающаго и падающаго. Имя Тебе — Свет: просвети душу мою, омраченную житейскими страстьми. Имя Тебе — Мир: умири мятущуюся душу мою. Имя Тебе — Милость: не престай миловати мя. Ныне благодарная твоему предстательству всероссийская паства молится тебе: Христоименитый и праведный угодниче Божий! Любовию твоею озари нас, грешных и немощных, сподоби нас принести достойныя плоды покаяния и неосуждённо причащатися Святых Христовых Таин. Сего ради молим тя, праведный отче: моли Человеколюбца Бога Церковь святую миром и тишиною оградити, землю Российскую во благоденствии сохранити, пастыри благодати и истины преизобильно исполнити, власти умудрити, православное воинство укрепити, немощныя исцелити, развращённыя исправити, юныя воспитати, старцы и вдовицы утешити и нам всем во Царствии Небеснем сподобитися со всеми святыми прославляти Отца и Сына и Святаго Духа ныне и присно и во веки веков. Аминь». ☦️Толкования молитв: вникаем в смысл! Теперь и в 🇷🇺 MAX