Ришат Төхвәтуллин социаль челтәрләрдә хатыны Алия Карачурина белән ничек танышулары тур...
Ришат Төхвәтуллин социаль челтәрләрдә хатыны Алия Карачурина белән ничек танышулары турында сөйләде. Аның сүзләренчә, Алия Ришатның Казанда узган концертларының берсен дә диярлек калдырмаган. – «Болгар премиясе»нең гала-концерты иде. Сәхнәгә чыгарга торам. Шул мизгелдә яныма Алия килде. Сәхнәгә тамашачылар арасыннан үтәргә кирәк иде. Алия фотога төшәргә сорады, без бергә фотога төштек. Ул кызыл күлмәктән килгән иде. Аны беренче тапкыр шунда күрдем. Икенче тапкыр конкурста очраштык, анда Алия үзе дә катнашучы иде. Казандагы чыгышларымның күбесендә Алияне очраттым. Берсендә дус кызы белән дискотекада күрдем. Шуннан соң мин аны очрашырга, бергәләп йөреп кайтырга чакырдм. Менә хәзер инде безнең ике улыбыз бар, – дип сөйли Ришат Төхвәтуллин.
215 просмотров