📣 Прэм’ер-міністр: Для беларусаў, як і для любой нацыі, суверэнітэт з’яўляецца вызнача... — 2 июля 2026 г. в 15:43:18.613
📣 Прэм’ер-міністр: Для беларусаў, як і для любой нацыі, суверэнітэт з’яўляецца вызначальным фактарам, які дазваляе з упэўненасцю глядзець у будучыню, будаваць моцную і квітнеючую дзяржаву «35 гадоў таму, з прыняццем Дэкларацыі аб дзяржаўным суверэнітэце, пачаўся самастойны шлях нашай маладой незалежнай дзяржавы. Гэты час быў напоўнены пераадоленнем сур’ёзных выклікаў, пошукам свайго ўнікальнага шляху, захаваннем духоўных і маральных арыенціраў», - адзначыў Аляксандр Турчын. Для беларусаў, як і для любой нацыі, суверэнітэт з’яўляецца вызначальным фактарам, які дазваляе з упэўненасцю глядзець у будучыню, будаваць моцную і квітнеючую дзяржаву, падкрэсліў Прэм’ер-міністр. «Прэзідэнт нашай краіны пастаянна падкрэслівае, што мір, свабода і незалежнасць - гэта наша спадчына і найвялікшыя каштоўнасці, якія трэба берагчы і абараняць, умацоўваючы народнае адзінства, эканоміку і абараняючы Айчыну», - адзначыў Кіраўнік Урада. «Мы адстаялі права на свой суверэнны і свабодны шлях развіцця ваеннымі і працоўнымі подзвігамі, цаной неймаверных намаганняў і мільёнаў чалавечых жыццяў. Таму заканамерна волевыяўленне беларускага народа аб тым, каб Дзень незалежнасці святкаваўся ў дзень вызвалення ад нямецка-фашысцкіх захопнікаў сталіцы нашай Радзімы, горада-героя Мінска. Тры з паловай дзесяцігоддзя ў летапісе дзяржавы - гэта менш, чым міг. Але, калі ўдумацца, за такое гістарычнае імгненне мы здзейснілі эпахальны рывок наперад», - дапоўніў Аляксандр Турчын.