МБДОУ "Харанский детский сад "Кэрэчээн"

Алтынньы 7 күнүгэр "Тииҥчээн" орто бөлөххө Бүтүн Арассыыйатааҕы ааҕыы күнүн бэлиэтээтибит. Биһиэхэ нэһилиэкпит библиотекатын үлэһитэ, Сахаайа Семеновна кэлэн ыалдьыттаата. Библиотека үлэтин туһунан оҕолорго кэпсээтэ, араас остуол оонньууларын аҕалан оонньотто. Оҕолор сэргээтилэр, умсугуйан олорон оонньоотулар. Бэйэбит группабыт кинигэлэрин ылан көрдүбүт, бэйэ-бэйэбитигэр кэпсээтибит. Кинигэни харыстыах тустаахпыт диэн өйдөөтүбүт. Сонуну кэпсээтим иитээччи Надежда Петровна

Бүгүн алтынньы 9 күнүгэр, кырдьаҕастар декадаларын чэрчитинэн, күндүтүк саныыр дьыссааппыт бэтэрээннэрин дьиэлэригэр тиийэн эҕэрдэлээн сэмэй бэлэхпитин туттаран кэллибит Анна Иннокеньевналыын. Күндү дьоммут олус үөрэн, махтанан утары бэлэх уунан ыыттылар.Хаһан да умнубакка кинилэри үрдүктүк тутарбытыгар махтана хааллылар🫶☀

Алтынньы ый 8 күнүгэр уһуйааммытыгар 2026–2027 үөрэх дьылын саҕалыырыгар аналлаах уопсай төрөппүт мунньаҕа буолан ааста. Мунньахха барыта 30 төрөппүт кыттыыны ылла. Мунньах саҕаланыытыгар уһуйаан күннээҕи үлэтин уонна сыллааҕы үлэ былаанын сэбиэдиссэй Анна Иннокентьевна билиһиннэрдэ. Делопроизводитель Елизавета Анатольевна төлөбүр взноһун, компенсация чааһын уонна ирдэнэр докумуоннар туһунан кэпсээтэ. Сүрүннүүр иитээччи Мария Власиевна үөрэхтээһин былаанын сүрүн өрүттэрин сырдатта. Ыҥырыылаах ыалдьыттар төрөппүттэргэ сүбэлэрин үллэһиннилэр. Майатааҕы оҕо поликлиникатын сиэстэрэтэ Зоя Филипповна күһүҥҥү ыарыыттан харыстаныы туһунан кэпсээтэ. Майатааҕы «Чуораанчык» уһуйаан педагог-логопеда Галина Валерьевна оҕо тылын сайыннарыыга, сатаан саҥарбат оҕолорго уонна дорҕоону туруорууга аналлаах э…