Алтынньы ый 8 күнүгэр уһуйааммытыгар 2026–2027 үөрэх дьылын саҕалыырыгар аналлаах уопса...
Алтынньы ый 8 күнүгэр уһуйааммытыгар 2026–2027 үөрэх дьылын саҕалыырыгар аналлаах уопсай төрөппүт мунньаҕа буолан ааста. Мунньахха барыта 30 төрөппүт кыттыыны ылла. Мунньах саҕаланыытыгар уһуйаан күннээҕи үлэтин уонна сыллааҕы үлэ былаанын сэбиэдиссэй Анна Иннокентьевна билиһиннэрдэ. Делопроизводитель Елизавета Анатольевна төлөбүр взноһун, компенсация чааһын уонна ирдэнэр докумуоннар туһунан кэпсээтэ. Сүрүннүүр иитээччи Мария Власиевна үөрэхтээһин былаанын сүрүн өрүттэрин сырдатта. Ыҥырыылаах ыалдьыттар төрөппүттэргэ сүбэлэрин үллэһиннилэр. Майатааҕы оҕо поликлиникатын сиэстэрэтэ Зоя Филипповна күһүҥҥү ыарыыттан харыстаныы туһунан кэпсээтэ. Майатааҕы «Чуораанчык» уһуйаан педагог-логопеда Галина Валерьевна оҕо тылын сайыннарыыга, сатаан саҥарбат оҕолорго уонна дорҕоону туруорууга аналлаах эрчиллиилэри бэйэтин үлэтин уопутуттан билиһиннэрдэ. Төрөппүттэр бэйэлэрин санааларын эттилэр, сыһыаннаах боппуруостарын туруордулар. Бииргэ үлэлэһии түһүмэхтэрин быһаарыстылар. Төрөппүттэрбитигэр мунньахха кэлэн кыттыыны ылбыттарыгар, туох баар ыытар тэрээһиннэрбитигэр бииргэ үлэлэһэллэрин иһин махталбытын тиэрдэбит.