Саха театра

+5

🎭Саха классик суруйааччыта Анемподист Софронов – Алампа 140 сылыгар аналлаах саҥа премьераҕа бэлэмнэнии үлэтэ салҕанар Саха театрыгар Анемподист Иванович Софронов – Алампа төрөөбүтэ 140 сылыгар аналлаах улахан испэктээкилгэ бэлэмнэнии үлэтэ күөстүү оргуйар. Бу үтүө үлэ чэрчитинэн, театр коллектива биллиилээх учуонайдыын, филологическай наука доктора, доцент, саха фольклорун уонна литературатын кафедратын сэбиэдиссэйин кытта Валентина Семеновалыын ураты ис хоһоонноох үөрэх-чинчийии көрсүһүүтүн ыытта. Валентина Григорьевна Алампа айар үлэтин, саха дырааматын уонна театрын дириҥник чинчийиинэн дьарыктанар. Көрсүһүү кэмигэр учуонай улуу суруйааччы олоҕун, айымньыларын, ол саҕанааҕы уустук кэм туһунан кэпсээтэ. Туруорааччы режиссер, артыыстар уонна театр үлэһиттэрэ ыалдьыты кытта санаа атас…

+3

🎭Саха театрын коллектива анал байыаннай дьайыы кыттыылаахтарын өйүүр аһымал аукционҥа кытынна Киин куоракка дойду көмүскэлигэр уонна анал байыаннай дьайыы кыттыылаахтарыгар көмө оҥорор сыаллаах «Боевые шелкопряды» анал аһаҕас аһымал аукцион үрдүк таһымнаахтык ааста. Бу үтүө аахсыйаҕа Былатыан Ойуунускай аатынан Саха театрын коллектива көхтөөх кыттыыны ылла. Бэлиэтээн эттэххэ, театр үлэһиттэрэ бу аһымал дьыалаҕа бэйэлэрин кылааттарын киллэрэн, 26 тыһыынчаттан тахса солкуобай уу харчыны уонна дьиэҕэ оҥоһуллубут амтаннаах астары биэрдилэр. Ону тэҥэ, аукциоҥҥа Саха театрын сүрүн худуоһунньуга Лена Гоголева үлэлэрэ атыыга тахсан, аһымал фондаҕа улахан көмөнү киллэрдилэр. Тэрийээччилэр бэлиэтииллэринэн, Варвара Егоровна Парфенова салайааччылаах Саха театрын волонтердара мэлдьы инники күөҥҥэ …

🎭🎶 «ТАПТАЛ» Алампа Таптал диэн тугуй? Дьол дуу, эбэтэр дьылҕа хабыр охсуута дуу? Испэктээкилгэ дьахтар уйан дууһата уонна көҥүлгэ дьулуһуута көстөр. Режиссер Руслан Тараховскай туруоруутугар Алампа истиҥ хоһоонноро тыыннаах музыканан доҕуһуолланан, көрөөччү сүрэҕин ортотунан киириэхтэрэ 🎸✨ 🗓 Алтынньы 8 күнүгэр, 18:00 ч. 🎫 Онлайн билиэт: https://iframeab-pre5643.intickets.ru/seance/75678917 ✅ Пушкинскай каарта үлэлиир ☎️ Касса: 34-13-31

САХА ТЕАТРЫГАР ПРЕМЬЕРА! 🎭 "ТҮҮЛ УҤУОР КЫТЫЛА" Н. ЛУГИНОВ Алтынньы 10, 11 күннэригэр, 17:00 ч. Режиссер Андрей Борисов Кыраныыссаҕа сулууспалаан кэлбит У Синь төрөөбүт дэриэбинэтигэр хаалымаары атыы-эргиэн киинигэр кырдьаҕас оҥочоһукка эрдииһитинэн үлэҕэ киирэр. Киэҥ сир угуйар абылаҥа, көрдөөх көстүүнэй күлүмнүүр уоттара эдэр киһи сүрэҕэр баайга-дуолга талаһар ымсыыны уһугуннараллар. Түүл уонна илэ чараас кирбиитигэр хаайтарбыт У Синь түүл уҥуор кытылын булуо дуо? Киһи олоҕо түүл дуу, илэ дуу? Кини хантан билиэй бу билигин түһүү сытарын дуу, дьиҥ илэ буола турарын дуу? 🎫Онлайн билиэттэр: https://iframeab-pre5643.intickets.ru/event/72727411 ⭐️Пушкинскай каарта 🏛️Театр каассата күн ахсын өрөбүлэ, тохтобула суох 10:00-18:00 ч. үлэлиир ☎️Билсэр төл: 34-13-31

+4

"ӨТӨХ" БҮГҮН, АЛТЫННЬЫ 4 КҮНҮГЭР, 17:00 ЧААСТАН🎭 Режиссер Руслан Тараховскай Киһи аар айылҕаны утары баран, бобуулаах таптал абылаҥнаах дьайыытыгар куустардаҕына, киһи-аймах оччоттон-баччаҕа диэри тутуһан кэлбит сиэрэ сиргэ тэпсиллэр. Оттон оҥоһуллубут аньыы буруйа-сэмэтэ кэҥээн-тэнийэн, сэттис көлүөнэ ыччакка тиийэ дьайар. Айылҕа суруллубутах сокуоннарын кэспит аҕа ууһа эстэр суолга туруута биир дьиэ кэргэн дьылҕатыгар көстөр. 🎫 Онлайн билиэттэр: https://iframeab-pre5643.intickets.ru/seance/75678915 ⭐️ Пушкинскай каарта 🏛️ Театр каассата күн ахсын өрөбүлэ, тохтобула суох 10:00-18:00 ч. үлэлиир ☎️ Билсэр төл: 34-13-31

Ытыктабыллаах көрөөччүлэр! 🎭✨ Хас биирдии киһи олоҕор учуутал олус улахан оруолу ылар. Кини сырдыкка угуйуута, үөрэтиитэ-такайыыта, сүбэтэ-амата устар олохпут тухары өйбүтүгэр-санаабытыгар хаалан инникигэ сирдиир ✨👩🏻‍🏫👨🏻‍🏫🎓 Онтон учууталга саамай үрдүк наҕараада - үөрэнээччилэрин билиниилэрэ, төрөппүт махтала буолар🙌🏻💐 Кэлэн иһэр Учуутал күнүнэн Саха театрын аатыттан бары учууталлары, уһуйааччылары, баспытааталлары эҕэрдэлээн туран, кинилэргэ бэлэх сертификаттар атыыга тахсыбыттарын биллэрэбит🎭👏🏻 Каасса күн ахсын өрөбүлэ, тохтобула суох 10:00-18:00 үлэлиир 📲 Билсэр төл: 34-13-31, +7 (914) 273-30-68