МАРИЙ ЭЛ | увер йогын | лента новостей

Марий рӱдолаштына субботник тӱҥалеш. Икымшыжым 9 октябрьлан палемдыме гын, молышт 16-шо, 23-шо да 30-шо октябрьыште эртат. Кажне кумылан еҥ тыгак Сеҥымаш ден Чавайн бульвар-влакым тӱшкан эрыктыме пашаш ушнен кертеш. Тидын нерген оласе мэрий увертара.

Юлтех университетыште чодыра многоборье шотышто всероссийский таҥасымаш эртен. Тушко Российысе 8 вуз да 17 техникум ден колледж, тыгак Беларусь гыч чылаже 25 команде ушнен. Ныл этапыште нуно чодыра пашаште кӱлеш лийше мастарлыкым ончыктеныт. Техникум коклаште сеҥышыш Лубянский лесотехнический колледжын командыже лектын. Вуз-влак коклаште Юлтехын командыже икымше лийын. Снимкыште: конкурс иктешлалтме годым. Марий Элын Пӱртӱс поянлык, экологий да йырым-йырысе средам аралыме министерствыжын воткыл лаштыкше гыч налме фото.

Марий Элыште «Чодырам арален кодена» акций тӱҥалын. Тудо «Экологий благополучий» нацпроект кышкарыште эрта да Российын ужар поянлыкшым уэмден толмашке виктаралтеш. Тений тӱрысшӧ 70 миллион наре пушеҥгым шындаш палемдыме, Марий Элыште – ик миллион наре иман пушеҥгын озымжым. Кӧ ты суапле пашаш ушнаш кумылан, ончылгоч министерствыш шижтарыман. Фотом Марий Элын Пӱртӱс поянлык, экологий да йырым-йырысе средам аралыме министерствыжын воткыл лаштыкше гыч налме.

Йошкар-Оласе 32-шо №-ан школышто тунемше-влакым республикыште лийше мероприятий, увер-влак дене кагаз савыктышла гоч палдарат. Ӱдыр-рвезе-шамыч «Марий Эл», «Кугарня», «Ямде лий» да республикысе моло изданийым лудыт. Тиде тыглай лудмо урок огыл, а республикын илышыж дене келгынрак палдарымаш. Газет лаштыклаште тунемше-влак тыште да кызыт ышталтше историйым, землякна-влакын сеҥымашышт да шуко моло нерген лудыт. Фотом школын воткыл лаштыкше гыч налме.

«Шӱмым ылыжтен» («Пробуждая сердца») усталык конкурс ты конкурсын Общероссийский рӱдӧ штабшын сопредседательже, СССР-ын калык артистше, Россий Федерацийын Паша Геройжо Василий Лановойым шарныме лӱмеш эртаралтеш. Конкурсым "Курымашлык полк" общероссийский мер толкын Тӱвыра инициативе Президент фондын полшымыж дене эртара. Конкурсышто 13 номинаций уло. Йодмашым polkrf.ru/serdca сайтыште 30 ноябрь марте пуаш лиеш. Конкурсын лауреатше-влакым 2027 ий февральыште Москваште палемдат.

Дорогие педагоги, преподаватели и ветераны педагогического труда Марий Эл! С Днем учителя!   Вы даете своим ученикам новые знания, окружаете детей вниманием и заботой, помогаете поверить в себя и выбрать верную дорогу.   Вы учите ребят любить родной край, ценить свои корни и уважать историю страны. Своим трудом вы делаете огромный вклад в наше общее будущее. Радует, что ежегодно наши школы пополняются новыми кадрами. С 2020 года по программе «Земский учитель», реализуемой по нацпроекту «Молодежь и дети», в сельские школы пришли 85 педагогов. В их числе Надежда Михайловна Капитонова, учитель начальных классов Руэмской средней школы. Желаю всем педагогам крепкого здоровья, вдохновения, профессиональных успехов и новых ярких побед. Пусть каждый день дарит радость, а успехи учеников стан…