📰🍀Газетнан у номерыштыже лудаш темлена:
📰🍀Газетнан у номерыштыже лудаш темлена: ✅Марий Элыште Иктешлыше кугыжаныш экзаменым 100 баллан ик предмет дене веле огыл, тыгак кок предмет дене тыгаяк результатым ончыктышо выпускник-влак икмынярын улыт. Эртыше кечыласе данный почеш, ЕГЭ-м 100 баллан кучышо 18 выпускник гыч 8-же химий предмет дене эн кугу результатым ончыктен, тынарак – руш йылме дене, а коктын – литератур дене. Умбакыже - "Образований" лаштыкыште. ✅21июньышто Киров кундем Советский районышто верланыше Чумбылат курыкышто Курык Кугызалан кумалтыш эртен. Кумданрак - "Тамга" лаштыкыште. ✅Кодшо каныш кечылаште Йошка-Олаште Пеледыш пайрем гӱжлен. Йӱран игечат пайремлан чаракым ыштен кертын огыл. Делегаций-влак Ленин лӱмеш площадьыш погынен, олан рӱдӧ уремже дене таҥтошкалын, пайрем верыш – Марий паркыш – эртеныт. Тушто нуным кинде-шинчал, шоҥешталтше пура корка, муро сий дене вашлийыныт. Мероприятий гыч репортажым "Йӱлана тек илана" лаштыклаште лудса. ✅2 июльышто У Торъял район Кугу Пызак ялын шочшыжо, Шкетан лӱмеш Марий национальный драме театрын артистше, Российын сулло, Марий Элын калык артистше, «За заслуги перед Марий Эл» орденын медальже дене палемдалтше Иван Смирнов 65 ийым тема. Иван Викентьевич дене вашмутланымашым "Тыйын шочшет, марий калык" лаштыкыште лудаш темлена. ✅Кужэҥер район Тошто Йӱледӱр кундемын шочшыжо, Марий Элын сулло журналистше Людмила Ивановалан – 70 ий. Рӱдӧ марий газетыште ыштыше-влак кокла гыч шукынжо школышто тунеммышт годымак йоча газет дене кылым кучымо гыч ты пашалан кумылаҥыныт. Людмила Иванова гын тидын нерген шоналтенат огыл – туныктышо лияш ямдылалтын. Вет ачажат кужу жап туныктышылан ыштен, школымат вуйлатен. Юбиляр нерген материалым "Увер-аҥар" лаштыкыште лудса.