"СУНТААР СОНУННАРА" официальный МАХ канал редакции
Без категории · 27 апреля 2026 г.
Убаастабыллаах Сунтаар улууһун бары олохтоохторо!
Убаастабыллаах Сунтаар улууһун бары олохтоохторо! "Сунтаар улууһа (оройуона)" муниципальнай оройуон дьаһалтатын, улуус депутаттарын Сэбиэтин уонна тус бэйэбит ааппытыттан барыгытын Саха Өрөспүүбүлүкэтин күнүнэн - муус устар 27 күнүнэн, итиитик-истиҥник эҕэрдэлиибит! Бу күн - биһиги төрөөбүт Сахабыт сирэ Арассыыйа састаабыгар өрөспүүбүлүкэ статуһун ылан, бэйэтин сайдыытын саҥа суолун саҕалаабыт, устуоруйаҕа умнуллубат бэлиэ тугэн буолар. Саха Сирэ - күүстээх санаалаах, үлэһит, талааннаах дьон олохсуйбут, баай айылҕалаах, кэрэ дойду. Биһиги төрөөбүт дойдубутун, ураты култуурабытын уонна тылбытын харыстыыр, үйэтитэр ытык иэстээхпит. Бүгүҥҥү күҥҥэ биһиги, Сунтаар улууһун олохтоохторо, Сахабыт сирин төрүт олоҕун тутуһан, кини сайдыытыгар бэйэбит күүспүтүн, кыахпытын, сатабылбытын уурабыт. Хотугу эрэгийиэммит чэлгийэ сайдарыгар, Арассыыйа күүстээх буоларыгар бары түмсэн үлэлиибит. Күндү Сунтаар улууһун олохтоохторо! Биһиги өрөспүүбүлүкэбит инникитэ кэскиллээх, эрэллээх буоллун! Саха Сирэ өссө күүскэ сайыннын, дьоно-сэргэтэ дьоһуннаах, дьоллоох олоҕу олордун! Барыгытыгар чэгиэн доруобуйаны, дьиэ кэргэҥҥитигэр дьолу-соргуну, үлэҕитигэр ситиһиилэри, эйэлээх халлааны баҕарабыт! Сунтаар улууһун баһылыга А.В. Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова