"СУНТААР СОНУННАРА" официальный МАХ канал редакции
Без категории · 22 апреля 2026 г.
Олохтоох оҥорон таһаарыы сыла
Олохтоох оҥорон таһаарыы сыла Төрүт аһы үйэтитэр «Хоту» кэпэрэтиип 🥛 Үйэ сайдан, олох таһыма үрдээн истэҕин аайы дьон-сэргэ чөл туруктаах төрүт ас, ыраас эт доруобуйаҕа дьайар суолтатын өйдүүрбүт дириҥиир. 🔸 Сайдыылаах кэм көлүөнэтэ ыраас салгыны эҕирийэрдии араас эбиилээх аҕалыы астан тэйэн, бэйэ аһын-үөлүнэн нэһилиэнньэни хааччыйыыга дьулуһар. Онуоха олохтоох оҥорон таһаарыыны көҕүлүүр, өбүгэ төрүт аһын дириҥ суолтатын оҥкул оҥостон үүнэр-сайдар кэпэрэтииптэр бааллара сарсыҥҥыга эрэли үөскэтэр. 🔸 Мэҥэ Хаҥалас улууһун Төҥүлү нэһилиэгэр кииннэнэн үлэлии-хамсыы олорор «Хоту» аһы-үөлү оҥорон таһаарар кэпэрэтиип сайдыы суоллаах устуоруйата, бүгүҥҥү таһаарыылаах үлэтэ төрүт үгэскэ сүгүрүйүү, норуот туһугар сомоҕолоһуу сырдык туоһута буолар. 🔸Кэнчээри ыччаты, нэһилиэнньэни чөл аһынан, этинэн хааччыйыыны сорук оҥостор кэпэрэтиип 28 сыл устата тыа сиригэр тирэхтэнэн олохтоох бородууксуйаны олоххо киллэрэр. Кэпэрэтииби сайыннарыыны олоҕун суолдьут сулуһа оҥостубут салайааччынан СӨ тыа хаһаайыстыбатын үтүөлээх үлэһитэ Иван Максимов буолар. Кэпэрэтиип 1998 сыллаахха тэриллибит, 400 чилиэннээх, 50 үлэһиттээх. 🔸 Хотун Төҥүлү улаҕата көстүбэт киэҥ ньуурдаах бөһүөлэгин тэбэр сүрэҕэр «Хоту» үгүс атыылаһааччылаах лааппыта амтаннаах ас минньигэс сытынан ыҥыра тоһуйда. Үгүс ыалдьыттаах маҕаһыын долбуурдарыгар үүт ас арааһа, эт ас маанылааҕа хоточчу кыстаммыт. Сиһилии ⬅️ @gazetaerkeii @ulusmedia