"СУНТААР СОНУННАРА" официальный МАХ канал редакции
Без категории · 9 апреля 2026 г.
Ытыктабыллаах Сунтаар улууһун олохтоохторо, саха куттаах дьонум-сэргэм!
Ытыктабыллаах Сунтаар улууһун олохтоохторо, саха куттаах дьонум-сэргэм! Сунтаар улууһа (оройуона) муниципальнай оройуон дьаһалтатын, улуус дьокутааттарын Сэбиэтин уонна тус бэйэбит ааппытыттан Эһигини барыгытын С.А. Сибиэрэп-Кыыл Уолун күнүнэн ис сүрэхпититтэн эҕэрдэлиибит! Бүгүн, муус устар 9 күнүгэр улуус дьокутааттарын сэбиэтэ 49-с уочараттаах сессиятыгар 2018 сыл бэс ыйын 8 күнүгэр ылыныллыбыт быһаарыытынан, Саха омук улуу уола, төрөөбүт омугун уонна Сунтаарын улууһун дорҕоонноохтук ааттаппыт С.А. Сибиэрэп-Кыыл Уола бүтүн норуот култууратын уһулуччулаах айааччыта, кини айар нэһилиэстибэтэ Ийэ дойдуга бэриниилээх буолууну хоһуйар ис хоһоонноох, номох кэриэһин чөлүгэр хаалларыыга, айылҕа, киһи - аймах уопсастыбатын уонна санаа сайдыыларын уопсай сокуоннарын байытыыга, үтүө үгэстэрин сайыннарыыга, көлүөнэлэри духуобунай өттүнэн үрдүктүк сыаналыырга, ону тэҥэ Арассыыйа бары норуоттарын бииргэ түмсүүлэригэр уонна сомоҕолоһууларыгар көмөлөһөр саха норуотун култууратын уһулуччулаах ситиһиитин курдук көрөн, аатын үйэтитэр анал күммүт, кини хаалларбыт ураты баайын биһиги харыстыыр, салгыы сайыннарар ытык иэстээхпит. Бу күн, эдэр көлүөнэ ыччаттарбытыгар, уопсастыбаннаска Сэргэй Сибиэрэп-Кыыл Уола ытык ырыаһыт, чуор тойуксут хатыламмат чуор куолаһа, түһүмэхтээх тардыыта, ураты уран тыла үйэттэн-үйэҕэ, көлүөнэттэн – көлүөнэҕэ өлбөөдүйбэккэ уһун үйэлэргэ кини үтүө аатын үйэтитэр кэрэ түгэн буолар. Ытыктабыллаах Сунтаарым дьоно-сэргэтэ! Эһигини барыгытын бу үтүө күнүнэн итиитик-истиҥник эҕэрдэлиибит! Сэргэй Сибиэрэп-Кыыл Уолун туһунан үтүө өйдөбүл биһиги сүрэхпитигэр куруук тыыннаах буоллун, кини үөрэппит үҥкүүтэ, кини айбыт оһуокайа үйэлэр тухары симэлийбэккэ, сайда турдун! Сунтаар улууһун баһылыга А.В. Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова