"СУНТААР СОНУННАРА" официальный МАХ канал редакции
Без категории · 7 апреля 2026 г.
Күндү биир дойдулаахтарбыт!
Күндү биир дойдулаахтарбыт! Бу күннэргэ, Элгээйи нэһилиэгэр олорбут култуура эйгэтин бэтэрээнэ Николаев Петр Романович Сиэйэ оскуолатыгар уһулуччулаах Учуутал, айылҕаны үөрэтээччи Борис Николаевич Андреевка олорон үөрэнэ сылдьан, 1937-1941 сс. айылҕаны, чуолаан көтөрдөрү кэтээн көрөн суруйбут күннүгэ "Дневник юного натуралиста: Сунтарский улус. 24.04.1937-06.10.1941 гг." диэн ааттанан, баара-суоҕа 200 ахсаанынан кинигэ буолан таҕыста. Бу кинигэ күн бүгүҥҥүгэ, төһө да 85 сыл аастар, Саха сиригэр кинигэ быһыытынан бэчээттэнэн тахсыбыт бастакы оҕо күннүгэ буолар. Петя Николаев, оччотооҕуга 7-с кылаас үөрэнээччитин билиитин таһымын, буочара үчүгэйин, хас биирдии кэтээн көрүүтүн өҥнөөх харандааһынан ойуулаан киэргэппитин киһи билигин сөҕө, астына уонна киэн тутта көрөр. Кинигэни кини кыыһа Лидия Петровна Дьяконова уонна биир дойдулаахпыт, кыраайы үөрэтээччи Семен Карлович Григорьев таҥан оҥордулар. Кинигэ Саха сиригэр култуура сылынан Элгээйитээҕи айылҕа түмэлин төрүттээччи Борис Николаевич Андреевка ананан таҕыста. Кинигэ 168 сирэйдээх, тупсаҕай, хаачыстыбалаах кумааҕыга бэчээттэммит. Кинигэни атыылаһыан баҕалаахтар 89142801426 нүөмэринэн билсиҥ. Сыаната: 1000 солк. Атыыга ахсаана аҕыйах, түгэни мүлчү тутумаҥ.