СС

"СУНТААР СОНУННАРА" официальный МАХ канал редакции

Без категории · 30 марта 2026 г.

Открыть канал в MAX

Саха буойуна- модун кыахтаах!

Саха буойуна- модун кыахтаах! 🔹АБДь кыттыылааҕа, ыччат миниистирэ Петр Шамаев "Харысхал" түмсүү кыттыылаахтарын кытары көрүстэ. Кинини кытары Арассыыйа дьоруойа Филипп Евсеев, АБДь, "Саха сирэ-Дьоруойдар дойдулара" бырагыраама кыттыылааҕа, Сунтаар нэһилиэгин баһылыга Эдуард Филиппов бааллар. "Харысхаллары" сүрүннээччи Жанна Макарова кылгастык түмсүү үлэтин туһунан билиһиннэрдэ. Ол курдук, түмсүү улуус үрдүнэн 16 филиаллаах. 60 тахса оскуола үөрэнээччилэрэ “Харысхалларга” кыттыһан, көмөлөрүн биллэрэллэр. Күн бүгүн 5000 туонна таһаҕаһы АБДь толоонугар ыытан тураллар.   Күннэтэ түмсүүгэ АБДь кыттыылаахтарын ийэлэрэ, эдьийдэрэ, ким баҕалаах уолаттарга харыстыыр, хаххалыыр таҥас-сап тигэн ыыталлар. Тигэр таҥастарын көрүҥэ элбиир. Волонтердар илиилэрин сылааһын ууран туран тикпит таҥастарын ыраахтан кэлбит ыалдьыкка көрдөрдүлэр, кэпсээтилэр. Петр Шамаев “Харысхаллар” сыралаах үлэлэригэр махтанан туран профессиональнай иистэнэр массыынаны бэлэх уунуом диэн бигэ тылын эттэ: “Волонтердар үлэлэрэ туохха да тэҥнэммэт үтүө хамсааһын буолар. Бу үлэҕитин тохтотуман, өссө сайыннарын, оҥорор таҥаскыт арааһын элбэтин, ыччат дьону сыһыарын. Уолаттар ыраах дойдуларыттан кэлэр посылкалары тутан сүргэлэрэ көтөҕүллэр. Кыайыы кэлэригэр эһиги кылааккыт эмиэ баар”, - диэн олоҕор көрсүбүт түгэниттэн кэпсээн, элбэх дьону уйадытта. Петр Шамаев олус долгуйан туран АБДь кыттыылааҕын ийэтигэр Светлана Янкова-Бекреневаҕа "Мать защитника Отечества" диэн мэтээли туттарда.