*Сунтаарга «Час КСВО» правомобиль үлэлээтэ: Аҕа дойду көмүскээччилэригэр уонна кинилэр ...
*Сунтаарга «Час КСВО» правомобиль үлэлээтэ: Аҕа дойду көмүскээччилэригэр уонна кинилэр дьиэ кэргэттэригэр өйөбүл* 🔹️🔹️🔹️Сунтаарга «Час КСВО» правомобиль үлэлиир. Бу – Саха сирин Аҕа дойду көмүскээччилэрин дьиэ кэргэттэрин кэмитиэтэ уонна олохтоох дьаһалталар холбоһуктаах бырайыактара буолар. Правомобиль сүрүн соруга – Аҕа дойду көмүскээччилэригэр уонна кинилэр дьиэ кэргэттэригэр быһаччы, босхо юридическай, психологическай уонна консультационнай көмөнү оҥоруу. Тэрээһиҥҥэ улуус баһылыга Анатолий Григорьев кыттыыны ылан, байыастарбытын уонна кинилэр дьиэ кэргэттэрин өйөөһүн – биһиги барыбыт ытык иэспит буоларын бэлиэтээтэ. «Харысхал» волонтерскай хамсааһын үлэтин сыаналаан туран, анал сылаас таҥаһы тигэллэригэр, хаххалыыр сиэккэлэри өрөллөрүгэр улахан өйөбүл быһыытынан 100 тыһыынча солкуобайдаах сэртипикээти туттарда. «Час КСВО» правомобиль Сунтаар улууһугар ыыппыт үлэтэ хас биирдии Аҕа дойду көмүскээччитин дьиэ кэргэнигэр эрэли, күүһү-уоҕу биэриэ диэн эрэнэбит. Маннык бырайыактар биир сомоҕо буолан, дойдубут иннигэр эппиэтинэспитин өйдүүрбүтүгэр уонна байыастарбытын күүскэ өйүүрбүтүгэр улахан тирэх буолаллар. _Сунтаар улууһун дьаһалтатын пресс-сулууспата_
Канал в каталоге Максиметера
1 639 подписчиков · Новости