"СУНТААР СОНУННАРА" официальный МАХ канал редакции
Без категории · 30 октября 2026 г.
ИЙЭ ТЫЛЫ ӨРӨ ТУТАР
ИЙЭ ТЫЛЫ ӨРӨ ТУТАР БАННЕР ЫЙАННА 👍 Бу сайын Сунтаарым устун хааман иһэн нэһилиэги киэргэтэр баннердар эргэрбиттэрин, үгүһэ алдьаммыттарын бэлиэтии көрөн сахалыы тыллаах суруктары элбэтиэххэ баара диэн санаа киирэн бу өйүк үөскээбитэ. Тутатына "Эйэлээх олох эргилиннин, ырыа-тойук эҥсилиннин! Эйэ ыһыаҕар эдэр-эмэн эҕэрдэ кэһиилээх кэллин!" диэн этии төбөбөр киирэн, аны маны олоххо киллэрэргэ хантан үптэнэбин диэн буолла. Онуоха урбаанньыттар өйүө эбиттэрэ буолуо диэн бастакынан биир дойдулаахтарым, "Мой кейс" тэрилтэ салайааччылара Алина, Андрей Лукиннар өйбөр көтөн түстүлэр. Күһүн куоракка тиийээт кинилэри көрсөн сөбүлэҥнэрин ылан, олуһун астынан "ЗУМ" Роман Уаровка улахан баннеры бэчээттэтэн таһаардым. Ол иннинэ нэһилиэк баһылыгыттан Эдуард Филипповтан, солбуйааччытыттан Семён Николаевтан көҥүл ылан, биһиириллэрин биллэрбиттэригэр ордук үөрбүтүм. Онтон кэргэмминээн сүбэлэһэн бу маннык баараҕай баннеры ыйыырга ЖКС тэрилтэҕэ таҕыстым. Салайааччы Игнат Яковлев тутатына сөбүлэһэн Владислав Степанов, Өркөн Киспэҥэ, Александр Егоров, Трофим Федоров, Валерий Иванов уонна Игнат бэйэтэ кэлэн түргэн үлүгэрдик баннер тутар маһын алдьаммытын оҥорон, баннеры ыйаан биэрдилэр. Кинилэргэ уонна бары өйөөбүт дьоҥҥо барҕа махтал! Сунтаар "Ийэ тыл" түмсүүтүн салайааччыта Тускулаана Горохова-Кобельянова