Йома көнө өй йыйыштырырға яраймы?
Йома көнө өй йыйыштырырға яраймы? Ҡайһы берәүҙәр: «Мосолмандарға йома көнө өй йыйыштырырға ярамай», — ти. Исламда йома көнө өй йыйыштырыуға тыйыу юҡ. Был — Ҡөрьәндә лә, Сөннәттә лә нигеҙе булмаған хөрәфәт. Ислам һәр ваҡыт таҙа һәм бөхтә булырға өйрәтә. Ҡөрьәндә: «Аллаһ тәүбә итеүселәрҙе һәм таҙарыныусыларҙы ярата», — тип әйтелә («Әл-Баҡара» сүрәһе, 222-се аят). Мөхәммәт пәйғәмбәр ﷺ: «Таҙалыҡ — имандың яртыһы», — тигән. Йома көнө таҙалыҡҡа айырыуса иғтибар бирелә: ғөсөл ҡойоноу, мәсеткә барыр алдынан матур, таҙа кейем кейеү һәм хушбуй һөртөү хуплана. Шуға күрә йома көнө өй йыйыштырырға, иҙән һәм кер йыуырға ярай. Диндә быға тыйыу юҡ. Шамил Әләүетдинов яҙмаһы буйынса әҙерләнде.
1 240 просмотров