💥Агротехнологтуг класстар ажыттынган
💥Агротехнологтуг класстар ажыттынган 📢Республиканың агроүлетпүр адырын хөгжүдери регионнуң удуртулгазының кичээнгейиниң төвүнде турар. Бо хүнде ажылдап чоруур көдээ иштиң кижилериниң чымыштыг ажыл-агыйын үнелеп, кожууннар болгаш республика деңнелинге шаңнап-мактап, үнелеп турарын шупту билир бис. Араттарның чер болгаш мал ажыл-агыйларынга янзы-бүрү федералдыг болгаш регионалдыг төлевилелдер дузазы-биле күрүне деткимчезин көргүзүп турар. Ооң-биле чергелештир көдээ ажыл-агыйның тускай мергежилдиг кижилерин белеткээрде, ортумак болгаш дээди өөредилге черлери-биле кызыгаарланмайн, оон-даа эрте, харын-даа школадан тура, эгелээри чугула деп чүүлдү үе көргүзе берген. Ынчангаш «АҮК кадрлары» федералдыг төлевилелди Тывага боттандырып эгелээн. Ол «Технологтуг хандырылга болгаш аъш-чемниң айыыл чок чоруу» национал төлевилелдиң бир адыры болур. https://vk.ru/wall-201111625_69617