💥ТШО хоочуннарынга тускай хеп
💥ТШО хоочуннарынга тускай хеп 📢«Ада-чурт камгалакчылары» күрүне фондузу тускай шериг операциязының хоочуннарынга техниктиг реабилитация дузазы кылдыр тускай даараан эптиг идик-хепти халас берип турар. 2025 чылдың чайынындан бээр фонду 2800 ажыг ындыг хепти үлээн. Тывада 20 хоочун чыл эгезинден бээр фондунуң салбырының дилээ-биле тускай хеп комплектизин алган. Россияның Президентизи Владимир Путинниң деткимчезиниң ачызында фонд хоочуннарны тускай идик-хеп-биле хандырып шыдаан. Тускай мергежилдиглер идик-хепти шилип тургаш, хоочун бүрүзүнүң кадыкшылын, мага-бодунуң шыдалын, бот-тускайлаң хереглелдерин кичээнгейге алган. Комплектиде үш аңгы хеп кирген: чайгы, кышкы болгаш сезоннар аразының. Футболкалардан эгелээш, бөрттеринге чедир 12 аңгы хеп ында кирген. «Балыгланган будумну кезип каапкан. Хепте даараан тыртар өөктер, чыпшырар-адырар чүүлдер, базыткыыштар кеттинеринге эптиг-дир. Спортка белеткенир, ажылдаар, хемчеглер баарда кедер хептерим бар. Оларны аңгы-аңгы байдалдарда кедер кылдыр кылганы эки чорду» – деп, ТШО хоочуну, адаптивтиг хептиң бир дугаар эдилекчилериниң бирээзи Буян Адышаа чугаалаан. Комплект хепти алыр дизе, фондунуң салбыры азы удуртукчу социал координатору-биле харылзажыр, олар билдириишкинни долдурарынга дузалажыр. Фондунуң Кызылда салбырының адрези: Кызыл партизаннар кудумчузу, бажың 30. / А. МОНГУШ. Чурукту ТР-ниң Чазааның парлалга албанындан алган. “Шын” №31 2026 чылдың август 13