💥Үлетпүр бүдүрүлгелери-биле танышкан
💥Үлетпүр бүдүрүлгелери-биле танышкан 📢Россияның экономиктиг сайзырал сайыдының оралакчызы Денис Тюпышев Тывага ажыл-агыйжы сургакчылаашкын үезинде тус черниң чиг эт болбаазырадылгазын сайзырадып, регионнуң тудуг адырын бодунуң продукциязы-биле хандырып турар бүдүрүлгелерни көрген. Республиканың экономиктиг сайзырал болгаш үлетпүр сайыды Аяс Баян-биле кады «Сергеихинский текстиль» АН-ниң дүктүң бирги болбаазырадылга цегин база «Транснедро» деп демир-бетон заводун эргээннер. Делегация «Сергеихинский текстиль» дүк болбаазырадылгазының ажылын көрген. Компания республиканың чурттакчыларындан чылда-ла 500 хире тонна чиг этти садып ап турар, ооң бүдүрүкчү күчү-күжү чылда 800 тонна чугган дүктү болбаазырадыр аргалыг. Дүктү бүрүнү-биле болбаазырадырын чедип алыры– бүдүрүлгениң дараазында чадазы. Планда кидис, чылыг шывыг, чоорганнар база чүң бүдүрүп үндүрерин чедип алыры көрдүнген. Малчыннардан дүк садып алырындан эгелээш, белен продукцияны бүдүреринге чедир төлевилел күүселдези-биле Тывага долу күчүлүг бүдүрүлгени ажылдадыр. Бо чүүл тус черниң чиг эдинге чүгле немелде өртекти бээр эвес, а чаа ажылчын олуттарны тургузуп, малчыннарга садып-саарылганың турум рыногун хандырар. https://vk.ru/wall-201111625_68378
Канал в каталоге Максиметера
2 359 подписчиков · Политика