💥2027 чылда Тывада 66 шөлдерниң чаагайжыдылга төлевилелдери чурттакчы чоннуң бадылаашк...
💥2027 чылда Тывада 66 шөлдерниң чаагайжыдылга төлевилелдери чурттакчы чоннуң бадылаашкынынче кирген 📢«Таарымчалыг хоорай хүрээлеңин тургузары» деп федералдыг программа езугаар Тывада чаагайжыдар объектилер төлевилелдерниң шилилгезинге онлайн бадылаашкынны эрттирер. Республиканың Баштыңы Владислав Ховалыг неделя санында эртип турар Аппарат хуралынга ооң дугайында дыңнаткан. Шилилгениң түңнелдеринге даянгаш, эң хөй үннү алган 25 төлевилел 2027 чылдың программазынче кирер. Тываның Баштыңы бадылаашкын апрель 21-де эгелээш, июнь 12-ге чедир уламчылаарын сагындырган. Аңаа республиканың 14 хардан өрү назылыг чурттакчы бүрүзү киржип болур. zagorodsreda.gosuslugi.ru деп платформага-даа, «Госуслуги решаем вместе» деп мобильдиг капсырылга таварыштыр бадылаашкынга соңгуп болур. Оон аңгыда волонтерлар хөй-ниити черлеринге организастааны соңгуур черлерге боттарының смартфоннары таварыштыр амгы үениң гаджеттери чок кижилерге төлевилелди шилип, ол дээш үнүн бээринге дузаны көргүзер. Владислав Ховалыг бадылаашкынның чорудуун бодунга алырын Тываның Тудуг яамызынга дааскан. Республика чылдың-на бо акция үезинде 85 муң ажыг үннерни берип турар. Бо чылдың түңнели оон эвээш эвес болур ужурлуг деп ол санап турар, чүге дизе чурттакчы чоннуң идепкейи чүгле объектилер болгаш шөлдер шилииринге эвес, а немелде акшаландырыышкынны хаара тударынга салдарлыг. 2026 чылда «Чаңгыс демниг Россия» партияның «Хоорай хүрээлеңи» деп төлевилелинден үнген улуг хемчээлдиг төлевилел «Таарымчалыг хоорай хүрээлеңин тургузары» программа-биле республиканың шупту муниципалдыг тургузугларында 31 хөй-ниити шөлдерин чаагайжыдары, ол ышкаш бүгү-российжи мөөрейге тиилээн Кызыл биле Туран хоорайларга таарымчалыг хүрээлелди тургузар ийи инициативаны боттандырары планнаттынган. Бирээзи хоорайның парыгын, а ийигизи вокзал чоогунуң девискээрин чаагайжыдар ужурлуг. rtyva.ru/press/tuva...