| ТР-НИҢ ДЭЭДИ ХУРАЛЫНДА (ПАРЛАМЕНТИЗИНДЕ) |
| ТР-НИҢ ДЭЭДИ ХУРАЛЫНДА (ПАРЛАМЕНТИЗИНДЕ) | 💥Тываның Баштыңының отчёду 📢Тыва Республиканың Дээди Хуралының (парламентиниң) депутаттарының дөрткү чыыжының дөрткү сессиязының ээлчегден дашкаар алдыгы хуралы Тываның Чазааның бажыңынга апрель айның 30-ниң хүнүнде болуп эрткен. Сессияга Тыва Республиканың Чазааның 2025 чылда ажыл-чорудулгазының түңнелдериниң болгаш 2026 чылда ажыл-чорудулгазының кол угланыышкыннарының дугайында отчётту Тыва Республиканың Чазааның Даргазы Владислав Ховалыг кылган. Отчётта улуг кичээнгейни экономика айтырыгларынче угландырган. Республиканың стратегтиг экономиктиг сорулгазы – үлетпүрде хожудаңгай чорукту ажып эртери, рыноктуг экономикада чижилгеге туржуп шыдаар бүдүрүлгелерни тургузары, аңаа деткимче кылдыр федералдыг чазак 1 миллиард рубль акшаны өске дузалардан аңгыда тускайлап бергенин дыңнаткан. Республикага таарымчалыг инвестиция байдалдарын тургузар дээш чорудуп келген ажылды болгаш макроэкономиктиг көргүзүглерни база Владислав Ховалыг демдеглээн. Баш бурунгаар санаашкыннар ёзугаар алырга, 2025 чылда бүдүрген ниити продукцияның хемчээли 168,4 миллиард рубль болган. Ол дээрге 2024 чылдыынга деңнээрге, 10,9 хуу хөй. Чуртталга бажыңнарының тудуу 37 хууга көвүдээн, 466,9 муң дөрбелчин метр чуртталга шөлүн ажыглалга киирген. Барааннарны үүрмектеп садары 10,4 хууга өскен, өртектиг ачы-дуза чедирери – 1,5 хууга. Биче болгаш ортумак бүдүрүлгелерниң саны – 1,39 хууга, сайгарлыкчы чорукка хаара туттунганнарның саны 9,3 хууга көвүдээн. Чурттакчы чоннуң кижи бүрүзүнге онааштыр акша орулгалары 14 хууга өскен. https://vk.com/wall-201111625_62050