💥Тергиин түңнел
💥Тергиин түңнел 📢ТР-ниң Баштыңы Владислав Ховалыг бодунуң блогунга «Тываның маадырлары» деп программаның үшкү модулюнуң эгелээниниң дугайында социал четкиде бодунуң арнынга демдеглээн. «Өөредилгениң үшкү чадазын регион болгаш муниципалдыг деңнелге ажылдаар деп шиитпирлээн бис. «Тываның маадырлары» программаның киржикчилери ТывКУ-нуң эксперттери-биле кады стратегтиг планнаашкынны база эң-не кол чүүл– чурттакчылар-биле дорт харылзаа дугайында сайгарар. Өөренип алган билиглерни дораан-на ажыл-херектер болгаш арга-дуржулга-биле быжыглаар бис. Системаның иштинден канчаар ажылдап турарын көөр дээш, кожууннарже үнүүшкүннерни кады кылып чорудар бис. Программаның киржикчилери түңнел төлевилелдеринге темаларны шилип алган. Бо дээрге чүгле эртем-билиг талазы-биле даалгалар эвес, а республикага херек кырында боттандырар ажылдар-дыр. Программа үре-түңнелин бадыткап турар дээрзин сагындыраал. Ооң херечизи болза программаның 11 киржикчизин Тываның яамыларында болгаш аңгы-аңгы албан черлеринде удуртукчу албан-дужаалдарже томуйлаан. Ол тергиин дээн түңнел-дир!» — деп, Тываның Баштыңы бижээн. Бистиң корр. Чурукту ТР-ниң Чазааның парлалга албанындан алган. “Шын” №10 2026 чылдың март 19