Хаак маргылдаазынга чемпион
Хаак маргылдаазынга чемпион Федералдыг кеземче албанының Тывада эргелелиниң командазы республиканың камгалал күштер аразынга болган хаак маргылдаазынга тергиидээн. Маргылдааны Бүгү-россияның «Динамо» күш-культура-спорт ниитилелиниң регионда салбыры эрттирген. Аңаа республиканың бүгү хоойлу-дүрүм камгалаар органнары киришкен. Хаактыг чарышка амы-хуузунда болгаш команда аайы-биле херээжен улус үш километрни, а эр улус беш километрни халыыры көрдүнген. Команда-биле чаржырының хемчээли – үш километр. Чидиг демиселдиң түңнелинде ТР-де Федералдыг кеземче албанының эргелели бирги черни бүзүрелдии-биле чаалап алган. Ийиги болгаш үшкү черлерни Онза байдалдар яамызының Тывада кол эргелели болгаш Федералдыг айыыл чок чорук албанының Кызыгаар албаны үлешкеннер. Бистиң корр. Чурукту Федералдыг кеземче албанының парлалга албанындан алган.