Бай-Тайга кожуун тиилекчилер аразында
Бай-Тайга кожуун тиилекчилер аразында Федерация Чөвүлелинге “Россияның архитектурлуг уран-чогаадыкчы овур-хевири” деп темага “төгерик стол” болуп эрткен. Аңаа “Муниципалдыг тургузугларже кирериниң стелалары болгаш хөй-ниити девискээрлериниң кирериниң бөлүү” II Бүгү-россия чергелиг мөөрейниң тиилекчилеринге шаңналдарны байырлыг байдалга тывыскан. Ырак-чооктан кандыг-даа аалчыларны бир дугаарында кожуун девискээринче моорлап кирериниң стелазы уткуп алыр. Федералдыг деңнелдиг мөөрейниң тиилекчилериниң аразынче Бай-Тайга кожууннуң төлевилели “Кирериниң стелалары. Боттандырган төлевилелдер” деп номинацияга III чаданың дипломунга төлептиг болганын Москвага болган хемчегге демдеглээн. Бедик шаңналды Тывадан барган делегация кежигүнү Бай-Тайга кожууннуң чагырга даргазы Чиңгис Салчакка тывыскан. / Бистиң корр. Чуруктарны интернеттен алган. “Шын” №7 2026 чылдың февраль 26