💥Сонуургактарга
💥Сонуургактарга 💫 Францияда хоойлу ёзугаар хаваннарны Наполеон деп ат-биле адап болбас. Өске амытаннарга ол хоруушкун хамаарышпас. 💫Огайо штатта Россия (Russia) аттыг хоорай бар. Россияда чүгле 640 чурттакчы бар. 💫 Якутияның чурттакчыларының саны Индияның чурттакчы чонундан 1200 катап эвээш. Ындыг-даа болза оларның шөлү дөмей. 💫 Финляндияда «интернетке хамаарылгалыг» деп диагностуг кижини шериг албан-хүлээлгезинден хостаар. 💫 АКШ-тың Конгрезиниң библиотеказында ном баартактарының ниити узуну 850 км ажып турар. Ол ном саңының ажылдакчыларының саны — 3600 кижи. Ында 40 сая номнар болгаш 60 сая ажыг рукописьтер шыгжаттынган. 💫 Коала деп чаптанчыг амытаннарны — адыглар эвес, а саадактыглар (сумчатый) деп санаар. Олар кажан-даа суг ишпес, чүгле эвкалиптиң бүрүлери-биле чемненирлер. 💫 Чүгле кыс ымыраалар кижини ызырар, чүге дизе үре-садызын чаяарынга аңаа протеин херек. Ызырар дээн кижизин шилиирде, олар чылыг херелдениишкининче база дерде бар сүт кислотазының чыдынче шыгаарлар. Эр ымыраалар чүгле чечектер чулуу-биле чемненир. / «Силерниң билбейн чорууруңар 1000 кайгамчык болгаш бүзүрээр аргажок фактылар» деп электроннуг номдан алган. Чурукту ГигаЧатка чураан “Шын” № 39 2026 чылдың октябрь 8