Манна хара түүлээх куобах туһунан хайаан да билэргэ диэн инстернети хаспыкка: Аан дойду...
Манна хара түүлээх куобах туһунан хайаан да билэргэ диэн инстернети хаспыкка: Аан дойдуга Хара куобах диэн баар эбит. Кинилэр Мексикаҕа Эспириту-Санта диэн арыыга баалларын туһунан Википедияҕа суруйбуттар. Онтон Саха сиригэр ити 1869 с. быыстапкаҕа Мэҥэ Хаҥалас ыстарыстата И. Павлов ыыппыт. Онтон салгыы интернеккэ Саха сиригэр хара куобах үөскүүр дуу диэн көрдөөтөххө меланизм диэн эрэ тахсар. Ол курдук 1956-1960 сыллардаахха аатырар артист Ф. Ходулов Биология инситутгар икки хара куобах тириитин аҕалбыт. Онтон биир тириититтэн таксидермист Шитарев чуучала оҥорбута диэн кэпсэл баар. 1978 с. Үөһээ Бүлүү Боотулу таһыттан Түүкээн үрэх хочотуттан булчут А.Р. Ксенофонтов эмиэ хара куобаҕы бултаабыт. Оскуола музейыгар харалла сытар дииллэр эбит. Ону таһынан Сунтаар Туойдааҕар 2002 с А.К. Алексеев булчут, ити сылга Булчут В.Д. Григорьев, 2013 сыллаахха булчут В.А. Прокопьев бултаабыттара биллэр. Кинилэр эмиэ Биология институтгар ыыппыттарыттан чуучала оҥорон СВФУ зоология музейыгар көрдөрүүгэ турар диэбиттэр