Көрдөөбүт көмүһү булар дииллэр. Таайбар бу үөрэммит оскуолаҥ диэн Кыргыдай оскуолатын х... — 4 октября 2026 г. в 02:42:23.200
Көрдөөбүт көмүһү булар дииллэр. Таайбар бу үөрэммит оскуолаҥ диэн Кыргыдай оскуолатын хаартыскабын аҕалан биэрбит эбиппин. Кэннигэр буочарбын көрөн соһуйдум. Бу оскуола 1932 с Дьооху (ити мин төрөөбүт сирим) диэн нэһилиэк оскуолата этэ. 1951 с нэһилиэктэри бөдөҥсүтүү диэн таҥнары ыраах сиргэ Кыргыдайга дьонун-сэргэтин, оскуолатын көһөрөн илдьибиттэр. Онтон Модут нэһилиэгин 1953 с өрүс уҥуор илдьэн Бороҕон нэһилиэгэр холбообуттара. Мин кыра саастаах таайдарым Көстөкүүн уонна Бүөтүр ол иһин Бороҕон, Хампа оскуолаларыгар үөрэммиттэрэ. Улахаттар Дьооху оскуолатын кэннэ Балаҕаччыга үөрэммиттэрэ. Ити курдук сэбиэскэй былаас өр сылларга уутуйан олохсуйан олорбут дьону төрүт олохторуттан күүһүнэн көһөрөн билигин төрүт дьоммут олоҕо иччитэх өтөх буолан турдаҕа. Суол-иис суох, арай биирдиилээн куонньуктар, булчуттар сылдьаллара буолуо. Ийэм хрэйдээх наар куонньуктартан туоһулаан тахсар этэ. Төһөлөөх ахтара буолла. Нэлэкээҕэ (дьонум олорбут күөллэрэ) муҥха буолбутун иһиттэҕинэ ким эмит сөбө ыыттаҕына үөрээхтиир аҕай этэ. Мэктиэтигэр сыыдамсыйарга дылыта, соботун астаан биһиэхэ сиэтэрэ. Ону сымаһыт удьуордара собо уҥуоҕар харар дьон миинин, искэҕин-елүнуонна ойоҕоһун этин сиэн сөп буолар этибит. Мин наар дядя Костя собо сиирин сөҕө көрөр этим. Аҥаар дьабатынан соботун уган баран иккис дьабатынан ыраас уҥуоҕу таһаарааччы. Бэйэтэ мини-собуот. 😃 оскуола хаартыскатыттан көһөрүүгэ онтон собоҕо тиийдим. Сааһырыы бэрээдэгинэн 😅😉